(PAGASA 24-HOUR PUBLIC WEATHER FORECAST as of Friday, 24 May 2024) ๐—ง๐—ฟ๐—ผ๐—ฝ๐—ถ๐—ฐ๐—ฎ๐—น ๐—–๐˜†๐—ฐ๐—น๐—ผ๐—ป๐—ฒ #AghonPH ๐—ฎ๐—ณ๐—ณ๐—ฒ๐—ฐ๐˜๐—ถ๐—ป๐—ด ๐˜€๐—ฒ๐˜ƒ๐—ฒ๐—ฟ๐—ฎ๐—น ๐—ฝ๐—ฎ๐—ฟ๐˜๐˜€ ๐—ผ๐—ณ ๐— ๐—ถ๐—ป๐—ฑ๐—ฎ๐—ป๐—ฎ๐—ผ. ๐‹๐จ๐œ๐š๐ญ๐ข๐จ๐ง ๐จ๐Ÿ ๐„๐ฒ๐ž/๐œ๐ž๐ง๐ญ๐ž๐ซ: at 5:ooam this morning, at 340 km East of Hinatuan, Surigao del Sur (08.6 °N, 129.4 °E ) ๐Œ๐จ๐ฏ๐ž๐ฆ๐ž๐ง๐ญ: Moving West Northwestward at 30 km/h ๐’๐ญ๐ซ๐ž๐ง๐ ๐ญ๐ก: Maximum sustained winds of 45 km/h near the center and gustiness of up to 55 km/h ๐–๐ข๐ง๐ ๐’๐ข๐ ๐ง๐š๐ฅ: as of 05:00am TCWS no.1 Dinagat Islands, Siargao Islands, and Bucas Grande Islands.


Friday, March 31, 2023

Mga Barangays sa Las Nieves, gipasidunggan sa pinauna nga ADI Merits Awards

LAS NIEVES, Agusan del Norte -- Gitambongan sa mga opisyales sa nagkadaiyang barangay sa Las Nieves ang pinakauna nga Advancing Development Initiatives (ADI) Merits Awarding Ceremony.

Ang ADI usa ka programa sa lokal nga panggamhanan sa Las Nieves nga gimugna aron mapalig-on ang serbisyo publiko sa mga kabarangayan.

Gisugdan ang pag-implementar sa ADI pinaagi sa Search for the Best Performing Barangay sa panahon pa ni kanhing Mayor Reinario “Adi” Rosales.

Gipadayon kini sa nisunod nga mga administrasyon hangtod kasamtangang pamunoan ni Mayor Karen S. Rosales. 

Karon nga tuig ang ika-12 nga implementasyon sa maong programa. 

Mao kini ang pinakauna nga Merit’s Awarding Ceremony nga gihimo alang sa paghatag og pasidungog sa pag-alagad sa mga barangay officials.

“Angay lamang nga ma recognize ug mapasiduggan ang bunga sa inyong mga efforts ug pagtinabangay para sa kalamboan sa inyong mga barangay,” pahayag sa mayor. 

Gidugang pa sa mayor nga buot niyang matagaan og espesyal nga pagtagad ang paningkamot sa mga opisales sa kabarangayan.

Gipangunahan ni sa mayor kauban si Vice Mayor Virgilio Escasiรฑas Jr., ug mga miembro sa Sangguniang Bayan ang paghatag sa mga awards ngadto sa mananaog nga mga barangay.

Tulo ka mga barangay ang nakaangkon sa major awards ug prizesnga gilangkuban sa P200,000 sa Barangay Tinucoran isip 1st Placer; P150,000 sa Barangay Rosario isip 2nd Placer; ug P100,000 sa Barangay Consorcia isip 3rd Placer.

Nakaangkon usab og Special Awards ang mga barangay sa nagkalain-lain nga kategorya, nga gilangkuban sa: Barangay Bonifacio isip Most Outstanding Barangay Nutrition Scholar; Barangay Mat-i isip Most Aspiring Barangay; Barangay Pinana-an isip Very Supportive Barangay to Vulnerable Sector; Barangay Ibuan isip Best Implementer In Peace And Order & Public; Barangay Lingayao isip Active and Performing Sangguniang Kabataan; Barangay Poblacion isip Least Malnourished and Zero Open Defication Barangay; Barangay Eduardo G. Montilla isip Best in High Value Crop Production; Barangay Maningalao isip Outstanding Barangay Tanod Outpost; Barangay Ambacon isip Most Attentive Barangay in Feedbacking; Barangay San Roque isip 1st Place sa Best in Financial Management; Barangay Katipunan isip 2nd Place sa Best in Financial Management; Barangay Balungagan isip 3rd Place sa Best in Financial Management; nakadawat usab ug Consolation Awards ang Barangay Malicato, Marcos Calo, San Isidro, ug Casiklan.

Atol usab sa maong okasyon ang pagpanghatag sa supplies ngadto sa mga lupon chairpersons ug secretaries isip suporta sa LGU ngado sa implementasyon sa Katarungang Pambaranggay. Gihatagan usab og school supplies ang Sagbuco Elementary School ubos sa Eco Savers Program. Pormal kining gidawat Sarex Balantac, ang school principal.

Mitambong usab sa maong panagtigom ang mga hepe sa nagkadaiyang buhatan sa lokal nga panggamhanan ug mga ahensya sa gobyerno. (LGU Las Nieves/PIA Agusan del Norte)