"Gulayan sa Panimalay" gipanghingusgan sa Probinsya sa Dinagat Islands
SAN JOSE, Dinagat Islands --Nagmalampuson ang pagpangapud-apod sa abuno ug seedlings sa nagkadaiyang gulayon sa 12 ka barangay sa probinsya niadtong Marso 22, 2023 diin gipahigayon kini didto sa Barangay Santa Cruz Gymnasium, San Jose, Dinagat Islands.
Mikabat sa 1,200 packs ka seedlings ug 60 ka sako nga abuno ang gibahin ngadto sa matag barangay nga pagahatagan og 100 packs nga gulayon ug tag lima ka sako nga abuno.
Gisugyot ni Provincial Agriculturist Officer Rico B. Galinato ang tumong sa programa nga makatabang sa pagsulbad sa kakulangan sa pagkaon matag pamilya ug makab-ot ang himsog nga panglawas sa katawhan.
Matud pa niya, ang pagpananom og gulay sa matag panimalay usa ka lakang aron makatabang sa pagamit sa mga recycle materials aron usab makunhodan ang nagkadaghang basura sa palibot.
Ang maong kalihukan gipasiugdahan sa buhatan sa Office of the Provincial Agriculturist (OPAG).
Mitambong sa maong aktibidad sila Provincial Administrator-Designate Dennis Andrew Marie Delgado, San Jose Vice Mayor Ruben J D. Zuniega, District II Board Member Ailong Conrad Dela Cruz kauban usad iniini ang mga Sangguniang Bayan Members nga sila Rechard Pasquil, Donato Ecleo, Papias Tuquib ug mga opisyalis sa barangay. (PIO- Dinagat Islands/PIA- Dinagat Islands)
