(PAGASA 24-HOUR PUBLIC WEATHER FORECAST as of Saturday, 30 August 2025) At 3:00 AM today, the Low Pressure Area (LPA) was estimated based on all available data at 435 km West of Sangley Pt, Cavite City, Cavite (14.1°N, 116.9°E). Southwest Monsoon affecting Southern Luzon, Visayas, and Mindanao. π—”π—™π—™π—˜π—–π—§π—œπ—‘π—š π—ͺπ—˜π—”π—§π—›π—˜π—₯ π—¦π—¬π—¦π—§π—˜π— : Southwest Monsoon ang makaapekto sa rehiyon sa Caraga.


Friday, March 17, 2023

Hasud Serbisyong VJP sa Carrascal pormal nang gisugdan

CARRASCAL, Surigao del Sur -- Nagmalampuson ang unang adlaw sa pagpahigayun sa unang hugna sa sa Hasud Serbisyong VJP (Valued and Just Services Closer to the People of Carrascal) para sa kasamtangan nga tuig.

Nahibaloan nga una gipahigayon didto sa Barangay Babuyan ang maong program, dala ang mga serbisyo alang sa mga residente kon lumulopyo sa maong barangay nga usa ka inisyatibo sa lokal nga pangganhaman ubos sa pagdumala sa maabtik nga amahan sa lungsod si Mayor Pimentel, III.

Daghan sa mga residente sa Barangay Babuyan ang nakadawat sa serbisyo sama sa libre nga medical ug dental check up, agricultural ug social welfare services, vaccination, supplemental feeding, libre nga medisina, serbisyo gikan sa Civil Registrar ug Treasurer's Offices, libreng gupit, ug uban pa.

Aktibo nga midawat og mipartisipar ang mga katawhan sa nahisgutang barangay nga pinangunahan sa ilang maabtik na Punong Barangay nga Charlimyne Intano inubanan sa mga miyembro sa konseho ug mga Barangay Health Workers (BHWs) ug Barangay Nutrition Scholars (BNS).

Samtang, musunod nga ipahigayon ang maong program sa tanang 14 ka barabgay sa maong lungsod nga mulungtad hangtod sa Marso 29, 2023. (NGPB/LGU-Carrascal/PIA-Surigao del Sur)