(PAGASA 24-HOUR PUBLIC WEATHER FORECAST as of Tuesday, 30 December 2025) Easterlies affecting Mindanao. Caraga will have cloudy skies with scattered rains and thunderstorms caused by the Easterlies. Possible flash floods or landslides due to moderate to at times heavy rains. Rest of Mindanao will experience partly cloudy to cloudy skies with isolated rainshowers or thunderstorms due to Easterlies. Possible flash floods or landslides during severe thunderstorms. Light to moderate winds from the east to northeast with slight to moderate seas (0.6 to 2.5 meters).


Wednesday, February 15, 2023

Last Mile Pilot Elementary Schools sa Butuan City, nakatanggap ng supplies at logistics

LUNGSOD NG BUTUAN -- Pitong elementary schools sa Butuan City na kabilang sa Pilot Last Mile Elementary Schools kung saan umabot sa halos isang daang supplies at logistics kasama na ang laptop, laminating machine, multimedia projector at marami pang iba ang kanilang natanggap mula sa Department of Health (DOH) para sa implementasyon ng Healthy Learning Institutions o Health Iskwela.

Isa ang Masago Elementary School sa barangay Maguinda, tatlumpong (30) kilometro ang layo mula sa lungsod ng Butuan sa pitong pilot last mile elementary school. 

Ayon kay Masago Elementary School head Crisanto Cajes, masaya sila dahil sa napakaraming supplies na kanilang magagamit, napakalaking tulong ito sa kanilang mga learners at pati na rin sa kanila na mga guro. “Maraming salamat sa DOH, sa Department of education (DepEd) at sa local government ng Butuan at napili kaming bigyan ng ganitong klase ng tulong, masaya kami dahil sobrang laking tulong ito sa amin,” tugon ni Cajes.

Dagdag pa ni Cajes, gagamitin at aalagaan nila ito ng maayos upang mas mapakinabangan ng matagal at makakatulong upang mapanatili ang kalusugan ng kanilang mga mag-aaral.

Ang pitong last mile pilot elementary schools ay bibigyan din ng mga interventions at emomonitor ng DOH, DepEd at ng local government unit upang maseguro ang tulong sa kanila. Sila ay prayoridad na matulongan dahil na rin sa rekomendasyon ng DepEd at ng local government unit.

Ang programa ayon kay DOH Caraga regional director dr. Cesar Cassion ay parte ng Oplan Kalusugan (OK) ng DepEd.

Kabilang din sa pitong last mile pilot elementary schools ang Tagkiling Tribal Indigenous Elementary School; Datu Ecleo Elementary School; Datu Man-oloy Tribal Elementary School; Mahayag Elementary School; San Juan Elementary School; at Tud-ol Elementary School. (NCLM/PIA Caraga)

 

Posted by at