(PAGASA 24-HOUR PUBLIC WEATHER FORECAST as of Monday, 14 July 2025) The Southwest Monsoon (Habagat) continues to affect Mindanao. FORECAST: The Zamboanga Peninsula will experience cloudy skies with scattered rain showers and thunderstorms due to the Southwest Monsoon. These conditions may lead to possible flash floods or landslides, especially during moderate to occasionally heavy rainfall. The rest of Mindanao will have partly cloudy to cloudy skies with isolated rain showers or thunderstorms also influenced by the Southwest Monsoon. Winds will be light to moderate from the southwest, with slight to moderate seas (wave height between 0.6 to 2.1 meters).


Tuesday, February 28, 2023

Balaudnon nga magmugna sa Lake Mainit Development Authorithy, pasado na sa komitiba

DAKBAYAN SA BUUTAN -- Pasado na sa Committee on Government Enterprise and Privatization sa meeting nga gihimo sa mga sakop niini karon, Pebrero 21, ang balaudnon nga magmugna sa Lake Mainit Development Authority (LMDA), House Bill 3504, nga gipasaka ni Kongresista Dale B. Corvera niadtong Agosto. 

Ihiusa na kini karon sa susamang balaudnon, HB 1537, nga gipasaka ni Kongresista Ace Barbers sa Surigao del Norte alang na sa usa ka consolidated version.    

Sa balaudnon nga gipasaka ni Kongresista Corvera, nakita nga tungod sa kakulang sa mekanismo ug designated authority nga magprotekta sa Lake Mainit daghan ang mga nahimong pag-abuso nga makaguba ning ikaupat nga labing dakung lawa sa Pilipinas.

Ang 173.40-square kilometer nga lawa nagsilbing tinubdan sa isda ug uban pang kapanginabuhian sa lugar nga nag-okupar sa mga luna nga sakop sa Agusan del Norte ug Surigao del Norte. Nagkadaku pa ang populasyon ning mga lugara ug nagbutang pa gyod kini sa Lake Mainit sa peligro.

Gitan-aw sa gisugyot nga balaudnon nga naay gitawag nga Lake Mainit Development Alliance apan kulang kini sa pundo ug walay regular nga personahe nga naglihuk alang sa mga kalihukan niini.

Apil sa probisyon sa balaudnon ang paggahin og Php50 milyones nga pundo alang sa mga galastuhan pagpatuman sa balaud unya. 

Mitambong usab si Kongresista Corvera sa meeting sa Committee on Basic Education and Culture kaganiha diin gihisgutan ang mga balaudnon nga magpalig-on sa papel sa private basic education apil ang private partnership fund for basic education.

Gihimo usab karon ang meeting sa Committee on Senior Citizens diin apil sa gi-konsidera mao ang balaudnon ni Kongresista Corvera nga magprotekta sa mga senior citizens from violence and abuse. Apan dili na niya makaya nga mahimong present sa tulo ka nagdungan nga committee meetings mao nga gihangyo na lang niya ang usa ka kaubang kongresita – si Kongresista Mark Go sa Baguio – sa pagbarug isip sponsor niini. (Agusan del Norte 2nd Congressional District/PIA Agusan del Norte)