Mga kabatan-onan andam na sa selebrasyon sa Bagat Festival
SIBAGAT, Agusan del Sur -- Sulod sa Mayor’s Office adlaw’ng Lunes, Enero 9, gitapok ni Municipal Administrator Dan Ralph Subla uban ni Municipal Tourism Officer Irene PeΓ±as ang mga kabatan-onang lider ning lungsod sa Sibagat, Agusan del Sur alang sa mga hisgutanang naglangkob sa partisipasyon sa mga kabataan atol sa selebrasyon sa Bagat Festival.
Ang lungsod kanunayng nag-awhag sa mga kabatan-onan nga maging parte sa tanan lihok pang-gobyerno.
Ang Bagat Festival usa ka aktibidad nga maghatag kanila og lugar aron mapadayag ang ilang mga adbokasiya ug pagkahinungdanon sa katilingban.
Mahinumduman nga nagtapos ang Bagat Festival sa niaging tuig 2022 pinaagi sa “Hiraya Manawari” – usa ka mahuloganon nga bahin isip pagtugyan ngadto sa mga kabataan sa kahayag ug responsibilidad isip mga sumusunod nga lider ug tigprotektar sa lungsod.
Lakip sa mga mitambong sa maong panaghisgut mao sila si Bagat Youth Alliance President Carl Jebby Daug, Propelling Our Inherited Nation Through Youth, Incorporated (POINTY)-Sibagat Cluster President Roselyn Antiga, POINTY-Sibagat Cluster Peace Communications Chairperson Jefferson Buag, LGBTQIA+ (Lesbian, Gay, Bisexual, Transgender, Queer, Intersex, Asexual) Sibagat Chapter President Pio Ubac, Jr., ug Sibagat Fibers members Evander Jaluag ug Cristy Rulida, Registered Social Worker (RSW). (Angat Sibagat/MTO Irene PeΓ±as/PIA-Agusan del Sur)
#ExplainExplainExplain
