IT Unit sa Tagum City mibisita sa AgSur para sa benchmarking
AGUSAN DEL SUR -- Personal nga nakig abi-abi ang mga personahe sa City Mayor’s Office - Information Technology (IT) Unit sa Tagum City ngadto kang Governor Santiago Cane, Jr. niining probinsya, human sila nagpahigayon sa ilang benchmarking sa Provincial Information Management Office (PIMO) aron masayran ang mga sistema ug best practices nga gipatuman sa buhatan.
Ang ilang pagbisita sa Provincial
Government sa Agusan del Sur (PGAS) kabahin lamang sa serye nga kalihokan sa
ilang pag benchmarking ngadto sa mga nagkadaiyang Provincial Local Government
Units (PLGUs) ug Municipal Local Government Units (MLGUs) sa tibuok Mindanao
nga adunay functional IT Department ug Operational Command Center sanglit anaa
sila sa proseso sa pag-institusyonal sa ilang IT Department sa Dakbayan sa
Tagum.
Sa maong pag inistoryahay, gipamatud-an ni
Gov. Cane kung unsa ang dakong tabang sa mga services nga gihatag sa
Information Technology (IT) sa personal ug sa pagpanerbisyo isip usa ka Public
Servant.
Ug kini nga mga pagpamutuod masinati
lamang kung ang mga lideres sa mga buhatan adunay pagsalig sa kaepektibo sa IT
ilabi na sa panahon karon. Diin tungod niini, nahimong dali, komportable, ug
episyente ang halos tanang matang sa gimbuhaton ug transakyon sa mga opisina sa
Probinsyal nga Panggamhanan sa Agusan del Sur. (PPIO-Agusan del Sur/PIA-Agusan
del Sur)
#ITIsTheSolution
#LamboAgusandelSur
#ExplainExplainEXplain
