(PAGASA 24-HOUR PUBLIC WEATHER FORECAST as of Thursday, 09 February 2023) Northeast Monsoon affecting Luzon. Butuan City, Agusan del Norte, Agusan del Sur, Surigao del Norte, Surigao del Sur and Dinagat Islands will experience Partly cloudy to cloudy skies with isolated rainshowers or thunderstorms due to localized thunderstorms. Possible flash floods or landslides during severe thunderstorms. Moderate to Strong winds coming from Northeast will prevail with Moderate to Rough seas / (1.2 to 2.8 meters).


Monday, January 16, 2023

Tubay mi-establisar og college scholarship program

DAKBAYAN SA BUTUAN -- Ubos sa Municipal Ordinance No. 2022-134 sa pagpanginahan ni Tubay, Agusan del NorteSanggunian Bayan (SB) Member Rosalina O. Guzo nga mag-establisar sa College Scholarship Program, makatagamtam na og libreng college education ang mga kwalipikadong studyante sa lungsod sa Tubay.

Sigon sa maong ordinansa, ang programa alang niadtong kabos apan takos nga mga studyante sa lungsod nga mokuha og bisan unsang upat (4) ka tuig nga kurso sa bachelor’s degree o associate degree o diploma course nga 1 o 2 ka tuig nga mga kurso nga teknikal, bokisyonal o management-related courses. Dili lakip, matod pa, ang medical-related courses sama sa medisina, dentistry, optometry, nursing, ug uban pa.

Aron mahimong kwalipikado sa maong programa, gikinahanglan nga ang studyante residente sa lungsod sa Tubay sulod sa tulo (3) ka tuig ug registered voter sa munisipyo. Kinahanglan usab nga ang kita sa pamilya dili molapas sa Singko mil (P/5K) pesos kung 1 lamang ang dependent niini, dili molapas sa Otos mil (P/8K) pesos alang sa 2 ka dependent, ug dili molapas sa dyes mil (P/10,000.00) pesos kun kini adunay 3 o daghan pang dependent. 

Giaprobahan sa Sangguniang Panlalawigan ang nasangpit nga  ordinansa pinaagi sa Sanggunian Resolution No. 009-2023 sa rekomindasyon sa SP Committee on Education and Culture nga gipangunahan ni Bokal Rodulfo A. Pitogo. (Jay Vincent Demain, PLGU Agusan del Norte/PIA Agusan del Norte)