(PAGASA 24-HOUR PUBLIC WEATHER FORECAST as of Thursday, 09 February 2023) Northeast Monsoon affecting Luzon. Butuan City, Agusan del Norte, Agusan del Sur, Surigao del Norte, Surigao del Sur and Dinagat Islands will experience Partly cloudy to cloudy skies with isolated rainshowers or thunderstorms due to localized thunderstorms. Possible flash floods or landslides during severe thunderstorms. Moderate to Strong winds coming from Northeast will prevail with Moderate to Rough seas / (1.2 to 2.8 meters).


Monday, January 16, 2023

Serbisyo sa Agusan del Norte alang sa 2023, mas palambuon pa

DAKBAYAN SA BUTUAN -- Mas palambuon pa ang ipadangat nga mga serbisyo sa katawhan sa probinsya sa Agusan del Norte ubos sa kadumalahan ni Provincial Governor Ma. Angelica Rosedell M. Amante dala ang hugot nga panaghiusa sa mga aktibidades ug programa sa matag buhatan sa kapitolyo kaabag ang buhatan ni Kong. Dale B. Corvera. 

Kini ang gipaabot sa gobernador ngadto sa tanang Hepe sa Kapitolyo sa usa ka Executive Meeting (ExeCom) niadtong Enero 9 sa Provincial Training Center. 

Sa maong katiguman, gipasabot ni Amante nga mas doblehon pa ang pagpaningkamot sa matag usa aron makahatag ug kalidad nga serbisyo sa mga Agusanons. 

Buot sa Gobernador nga tutukan karon nga tuig sa iyang administrasyon ang social ug health services. Mao ang pagpalambo sa serbisyo ug sistema sa tanang tambalanan sa probinsya. 

Pasabot ni Amante nga kung mahimo, dili mabug-atan ang mga Agusanons sa mga balayronon sa ospital ilabina sa doctors’ fees. 

Ikaduha mao ang panaghiusa sa probinsya ug tanang local government units sa tanang buluhaton lakip na ang resources o budget aron ma improbar ang serbisyo mahitungod sa emergency management ilabina na sa disaster prevention. 

Ikatulo mao ang agrikultura. Gi-punting ni Amante nga kinahanglan mo-angat ang panginabuhian ug makabarog ang mga mag-uuma sa probinsya. Tinguha usab sa Gobernador karon nga tuig nga mahimong progresibo ang lakang nga pagabuhaton sa iyang kadumalahan aron makab-ot ang kinatibuk-ang panglantaw nga mahimong “Agro-Processing Center ang Agusan del Norte sa tibuok Caraga Region pag-abot sa tuig 2027” partikular sa food sufficiency. 

Apil usab nga gitutokan karon sa gobernador ang pagpalig-on ug pagpabag-o sa pagpatuman sa striktong sistema o pagpadagan sa Human Resource sa kapitolyo. Tinguha ni Amante nga ang tanang empleyado sa Kapitolyo mamahimong produktibo ug dili mahimong compliance lamang sa pag-atiman sa panginahanglanon sa mga Agusanons may kalambigitan sa Public Service. 

Sa mensahe ni Amante, gipaambit niya nga kinahangalan mamahimong “extraordinary” ang pagpanarbo sa empleyado sa Kapitolyo.

Hangyo niya nga dili mahimong “silent quitting” o mahimong non-compliance nga pagpanarbaho. (Karen Decamotan, LGU Agusan del Norte/PIA Agusan del Norte)