(PAGASA 24-HOUR PUBLIC WEATHER FORECAST as of Friday, 19 April 2024) Easterlies affecting the country. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rain showers or thunderstorms due to Easterlies. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from East to Northeast will prevail with slight to moderate seas (0.6 to 2.1 meters).

Wednesday, December 14, 2022

Kongresista Corvera, gipaneguro ang suporta sa mga irrigators ug sa convergence sa mga ahensya nga gimugna pagtabang kanila

DAKBAYAN SA BUTUAN -- Gipaneguro ni Agusan del Norte Kongresista Dale B. Corvera atol sa irrigators congress ang iyang suporta sa pagpalambo sa mga sistema sa patubig sa rehiyon ug sa nasud aron, makab-ot ang food security ug moangat ang kahimtang sa pagpuyo sa mga mag-uuma labina sa humay.

Paambit ni Kongresista Corvera nga buot gyod niya nga mapalapdan pa ang kayutaan nga naay irigasyon aron modaku ang produksyon sa humay sa panahon nga gobernador pa siya sa Hulyo 2019-Hunyo 2022. Apan, iyang dugang, naay kakulangon sa pundo unya mihapak ang pandemya mao nga wala kaayo mapursige ang mga pamaagi ang pagsulbad sa mga kakulian.

Dugang sa Kongresista sa iyang mensahe nga gibasa sa representante sa iyang Congressional District Office nga ipursige niya ang maong target karon nga kongresista na siya ubos sa iyang gipadayon nga “Food Security Enhancement Project”. Apan, padayon sa kongreista, pipila ka mga concerns ang kinahanglang matubag aron makab-ot kini.  

Sa nag-una sa mga concerns sa irrigators karon kalabot sa nakatakdang pag-turn over sa halos tanang irrigation systems sa nasud ngadto sa Local Government Units (LGU) sunod sa mando sa Mandanas Law, suporta si Kongresista Corvera sa nagdagan karon nga sugyot sa mga irrigators ug LGUs nga i-repair usa ang daghan sa mga irigasyon nga nanginahanglan niini mao pa kini i-turnover.

Apan iyang tan-aw nga daghan pa ang nakalambigit niini nga concerns nga kinahanglang tugkaron aron komprenhesibo ug mas epektibong matubag. Niini mohimo siyag mga inisyatiba nga mahisgutan ang maong mga concerns sa mga kongresista sa Caraga, unya sa ubang mga distrito, aron makasugyot sa ilang makita nga angay maayong buhaton.

Suporta usab si Kongresista Corvera sa inisyatiba sa National Irrigation Administration (NIA) Caraga pagmugna og convergence sa mga nasudnong ahensya pagtubag sa nagkadaiyang concerns sa mga irrigators, apil na ang mga suporta diha sa posibleng pagproseso ug pagbaligya sa bugas humay.

Butyag sa sa kongresista nga ginahimo usab sa iyang buhatan ang susamang lakang sa convergence ug tun-an niya ang lain pang mga lakang nga mahimo aron makatabang nga mahimo kining epektibo.

Alang kang Kongresista Corvera ang paghatag og venue sa pagbayloay og mga huna-huna tali sa mga irrigators, sa mga ahensya ug mga opisyal sa gobyerno ug ang convergence nga namugna ang labing positibong aspeto nga nakab-ot sa nahitabong irrigators congress. (Agusan del Norte 2nd Congressional District Office/PIA Agusan del Norte)