3rd batch sa TUPAD, nagsugod na sa Kitcharao, Santiago ug Magallanes
DAKBAYAN SA BUTUAN -- Nagsugod na pinaagi sa mga orientation ang third batch sa Tulong Panghapbuhay sa Disadvantaged/Displaced Workers (TUPAD) gamit ang pundo nga gigahin sa ikaduhang distrito sa Agusan del Norte ni Kongresista Dale B. Corvera sa mga lungsod sa Kitcharao, Santiago ug Magallanes.
Ubos sa TUPAD, usa ka programa nga gidumala sa Department of Labor and Employment (DOLE), makatrabaho ang displaced or disadvantaged workers sulod sa 15 ka adlaw sa sweldo nga Php350 ang adlaw.
Naay 54 ang apil sa nakatarabaho sa Kitcharao, 68 sa Santiago ug 55 sa Magallanes ning ikatulong batch nga mosuma sa 850 tanan sa tibuok distrito.
Apil ang nakatatrabaho sa ikaduhang batch nga 850 usab ug 510 sa unang batch mosuma sa 2,210 ang makatrabaho unya ubos sa TUPAD sa unang lima ka buwan nga panerbisyo ni Kongresista Corvera. Gawas kini sa ubang social nga serbisyo nga gipadangat usab sa iyang buhatan.
Ang ubang mga lungsod magsugod sa ilang 3rd batch sa TUPAD ugma ug sunod semana.
Sunod sa nakita ni Kongresista Corvera nga panginahanglan, apil ning
ikatulo nga batch sa TUPAD mao ang mga apektado sa Bagyong Paeng ug ang mga
disadvantaged workers sa informal nga sector sa ekonomiya, mga mag-uuma ug mga
indigenous peoples (IP) nga nagpalambo sa mga core processing projects sa
“Country Wood”, “Coffee Net”, “Chocolate City”, “Beyond Rice” ug “Food Basket”.
Ang nahisgutang mga proyekto apil sa 15 ka processing projects nga gipalambo ubos sa Plant and Process for Prosperity Flagship Program sa AGUSAN UP!, ang kampanya ni Kongresista Corvera sa pagpalambo sa gobernador pa siya nga sumala pa ni Gob. Ma. Angelica Rosedell M. Amante ipadayon sa iyang administrasyon. (Agusan del Norte 2nd Congressional District Office/PIA Agusan del Norte)
