Pasiaw sa katigulangan, malipayong gipahigayon sa RTR
DAKBAYAN SA BUTUAN -- Daku kaayo ang kalipay sa tanang mga senior citizens sa tagsa-tagsa ka barangay sa lungsod sa Remedios T. Romualdez (RTR), Agusan del Norte human kini nagsaulog sa ilang Pasiaw Sa Katigulangan cum Assembly uban ni Provincial Governor Ma. Angelica Rosedell M. Amante kaniadtong Huwebes, Nobyembre 24 sa Municipal Gymnasium sa maong lungsod.
Nagmalipayon usab si Gob. Angel Amante tungod sa nakita niya nga aktibo nga partisipasyon ug suporta sa matag usa.
“Happy kaayo ko karon nga nakita mo nga nagmalipayon. Daku kaayo mo nga kabahin ngano naay RTR. Kay kamo gyud ang nagsugod. Wala ang RTR kung wala mo” matud pa sa Gobernador.
Gawas sa mga nasangpit nga pasundayag, nagpahigayon usab ug Medical Mission sa susamang adlaw sama sa Dental, General nga Konsultasyon sa random blood sugar, x-ray, ug pagpanghatag og eye glasses, mosquito net ug minor surgeries.
Atol sa maong aktibidad, mihatag usab si Gob. Angel Amante ug ang buhatan ni Kong. Dale B. Corvera og pahalipay nga P1,000 matag usa sa adunay presentasyon. Ug laing P20,000 nga kantidad matag barangay isip regalo sa mga senior citizens alang sa pagsaulog sa kapaskohan.
Mapasalamaton usab ang tanang katigulangan
nga mitambong sa maong kalihokan. (Karen Decamotan, hulagway kuha ni Reuben Te, LGU Agusan dle
Norte)
