(PAGASA 24-HOUR PUBLIC WEATHER FORECAST as of Friday, 19 April 2024) Easterlies affecting the country. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rain showers or thunderstorms due to Easterlies. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from East to Northeast will prevail with slight to moderate seas (0.6 to 2.1 meters).

Friday, November 25, 2022

Kampanya batok sa pagpangabuso sa kababakhian, hugtang gipatuman sa Agusan del Norte

DAKBAYAN SA BUTUAN -- Gisubhan karong adlawa, Nobyembre 25, sa Provincial Capitol lobby, ang 18-day Campaign to End Violence Against Women nga nagtala sa nasudnong kampanya nga gitawag og “United for a VAW-FREE Philippines” niing tuiga. 

Ubos sa kadumalahan ni Provincial Governor Ma. Angelica Rosedell M. Amante kaabag ang buhatan ni Kong. Dale B. Corvera, ang maong programa gipangunahan sa buhatan sa Provincial Social Welfare and Development (PSWD) sa pagpangulo ni Silver Joy Tejano.

Sumala pa ni Provincial Administrator Elizabeth Calo, isip representante ni Gob. Angel Amante, gipasabot niya nga mahuman lamang kini nga kampanya kung mahuman na usab ang pagpangabuso batok sa kababainhan. Dugang niya, nanginahanglan kini og suporta dili lamang sa mga kababainhan lakip na usab sa mga kalalakinhan.

Gipunting sa probinsya subay sa nasudnong kampanya nga mapakita ang talagsaong panaghiusa sa matag indibidwal uban sa pakigtambayayong sa tanang ahensya sa panggamhanan aron makab-ot ang tinguha nga mahimong VAW-FREE ang lalawigan sa Agusan del Norte ingon man ang tibuok nasod.

Gisulong usab karun sa probinsya nga suportahan nga mahimong gender-based sexual harassment-free (GBSH) ang matag establisemento subay sa Republic Act 11313 o ang Safe Spaces Act. 

Gisugdan ang maong kalihokan og usa ka motorcade ug nagtanyag usab ang probinsya ug libreng Health and Wellness Caravan alang sa tanang empleyado sa kapitolyo agi og pakigtambabayong sa Technical Education and Skills Development Authority (TESDA) ug Provincial Health Office (PHO). 

Miduyog usab ug suporta sila Board Members Inez Rosario-Amante, Nieva Famador, Rodulfo Pitogo, uban sa mga hepe ug empleyado sa kapitolyo. (Karen Decamotan,  hulagway kuha ni Reuben Te, LGU Agusan dle Norte)