(PAGASA 24-HOUR PUBLIC WEATHER FORECAST as of Sunday, 21 July 2024) At 3:00 AM today, the Low Pressure Area (LPA) was estimated based on all available data at 135 km West Southwest of Calapan City, Oriental Mindoro (13.1°N, 120.0°E). Meanwhile, another LPA was estimated based on all available data at 880 km East of Eastern Visayas (11.1°N, 133.8°E). 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience cloudy skies with scattered rainshowers and thunderstorms due to Southwest Monsoon. Possible flash floods or landslides due to moderate to at times heavy rains. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to Moderate winds coming from Southwest to Southeast will prevail with slight to moderate seas (0.6 to 2.5 meters).

Friday, October 28, 2022

Kapin P5.7  milyon nga ayuda, gipanghatag sa mga rece frmers sa Las Nieves

LAS NIEVES, Agusan del Norte -- Mokabat sa 1,142 ka mga mag-uuma sa humay ang nakadawat og Php5,000 nga ayuda matag-usa gikan sa Department of Agriculture (DA) atol sa gipahigayon nga Las Nieves Rice Farmer Financial Assistance (RRFA) Release Huwebes, October 27, sa Bag-ong Municipal Gymnasium ning lungsod.

Ang maong ayuda usa ka suporta gikan sa nasyonal nga panggamhanan ngadto sa ginagmay nga mga-uuma sa humay sa lungsod.

Ang pagpangapod-apod niini gipangunahan sa Fintech Philippines Association inabaganan sa Municipal Agriculture Office ubos sa pagdumala ni Municipal Agriculture Officer Leonito Pasquito.

Ang libo kapin nga mga benepisyaryo gikan sa 18 ka mga barangay sa lungsod. Nagsugod ang pagpanghatag sa alas 9 sa buntag hangtod alas 3 sa hapon.

Ang maong programa pinasikad sa Republic Act No. 11598 o ang Cash Assistance for Filipino Farmers Act. Kini naghatag og pagtugot sa DA nga maghatag og ayuda sa mga mag-uuma sa humay nga apektato sa pagbarato sa presyo sa palay ug sa hulga sa Covid-19. 

Mamahimong makabenipisyo ang mga mag-uuma nga rehistrado sa Registry System for Basic Sectors in Agriculture (RSBSA) ug nanag-iya ug dili mulapas sa 2 ka ektarya nga kahumayan.

“Labing mapasalamaton gyud ako nga isa ako sa natagaan aning nga ayuda," sumala pa ni Annabelle C. Tanaman, usa sa mga beneficiary nga taga Barangay Lingayao.

Nagpadayag usab og pagsuporta si Mayor Karen Rosales sa maong programa uban sa pagpaneguro sa padayong suporta sa lokal nga panggamhanan ngadto sa mga mag-uuma sa lungsod.

Gidugang ni Mayor Karen nga daku ang tabang sa maong pagrelease sa ayuda ilabi na sa pagpataas sa ani sa humay sa Las Nieves.

Ang taas nga ani, matud pa ni Mayor Karen, makatabang sa pagseguro sa supply sa pagkaon sa lungsod ug sa tibuok probinsiya sa Agusan del Norte. (LGU Las Nieves/PIA Agusan del Norte)