Seedlings alang sa tree planting ubos sa cash-for-work scheme, miabot na
DAKBAYAN SA BUTUAN -- Miabot na ang nagkadaiyang mga seedlings alang sa gikatakdang tree planting activity pinaagi sa cash-for-work scheme ubos sa Risk Resiliency Program-Climate Change and Mitigation-Disaster Risk Reduction [RRP-CCAM-DRR] sa Department of Social Welfare and Development (DSWD) nga nag-apil og partnership tali sa probinsya diha sa pagpananum og kahoy ubos sa Lunhaw’ng Agusan Program sa AGUSAN UP!.
Mokabat sa 9,600 ka seedlings nga fruit ug forest trees ang miabot niadtong Hulyo 29, sama sa Molave - 1250, Red lawaan - 1250, Narra - 1000, Durian - 1700, Rambutan - 2200 ug Lanzones - 2200. Laing 3,500 nga Palawan Cherry usab ang ihatod sunod semana.
Ang maong seedlings, ipang apod-apod ngadto sa nagkadaiyang barangay sa lungsod sa Carmen, Nasipit, Jabonga, Kitcharao, Santiago, RTR, Magallanes ug Las Nieves.
Gipunting nga matamnan ang 23,000 ektaryas nga parte sa protection areas sa probinsya sa Agusan del Norte aron mapabaskug ug ma-protektahan ang kinaiyahan. Gihimo usab kini aron maka mugna og trabaho sa nasangpit nga mga lugar. (LGU Agusan del Norte/PIA Agusan del Norte)
