POPCOM DTP gi presentar sa mga LGUs
BUENAVISTA, Agusan del Norte -- Ang Commission on Population and Development Caraga personal nga niistorya sa mga Local Government Executives (LGEs) mahitungod sa lokalisasyon sa Philippine Population and Development Program (PPDP) thrusts and directions para sa 2022-2028 pinaagi sa naaprobahan nga Devolution Transition Plan (DTP) sa Department of Budget and Management kon DBM.
Ang POPCOM Caraga nga gipangunahan ni Regional Director Alexander A. Makinano, ug si Nashville B. Pasaylo, Officer In-Charge sa Technical Service Section, mibisita ug gipresentar ang POPCOM DTP per Executive Order (EO) 138 sa mga Local Chief Executives (LGEs) sa munisipyo sa Buenavista, Nasipit, Carmen, Magallanes, Santiago, Jabonga, Kitcharao ug Las Nieves, sa probinsya sa Agusan del Norte.
Kabahin niini, nitambong usab si RD Makinano sa sesyon sa Sangguniang Panlalawigan sa probinsiya sa ADS ug Sangguniang Bayan sa San Francisco, ADS niadtong Hulyo 11, 2022 para mapasabot ang panginahanglan sa programa sa Population Development (POPDEV).
Pinaagi sa lokalisasyon, ang mga LGUs giaghat ang pagtukod ug lokal na population office, paghimo ug POPDEV Responsible Parenthood and Family Planning ug Adolescent Health and Development database ug pagporma sa mga programa ug polisiya sa POPDEV taliwala sa uban.
Gipasiugda ni RD Makinano na ang POPCOM isa sa duha ka ahensya sa gobyerno nga giaprobahan ang DTP sa Department of Budget and Management kun DBM. (Dian Joy L. Martinez, POPCOM Caraga/PIA Agusan del Norte)
