(PAGASA 24-HOUR PUBLIC WEATHER FORECAST as of Sunday, 03 July 2022) Southwest Monsoon affecting the western section of Northern Luzon. ACTIVE TROPICAL CYCLONE OUTSIDE PAR AS OF 3:00 PM TODAY TROPICAL STORM CHABA [FORMERLY "CALOY"] (2203) LOCATION: 1,230 KM WEST NORTHWEST OF EXTREME NORTHERN LUZON (24.6°N, 110.6°E) MAXIMUM SUSTAINED WINDS: 65 KM/H GUSTINESS: UP TO 110 KM/H MOVEMENT: NORTHWARD AT 20 KM/H Caraga region will experience partly cloudy to cloudy skies with isolated rainshowers or thunderstorms due to Localized Thunderstorms. Possible flash floods or landslides during severe thunderstorms. Light to Moderate winds coming from East to Southeast will prevail with slight to moderate seas (0.6 to 2.1 meters).



Wednesday, June 15, 2022

Mataas na kalibre ng baril at mga pampasabog ng NPA, nakumpiska ng kasundaluhan sa Surigao Norte

GIGAQUIT, Surigao del Norte -- Isang sagupaan ang naganap sa pagitan ng mga kawani ng 30th Infantry Battalion (30IB) at teroristang grupo ng New People's Army o mga NPA sa bulubunduking bahagi ng Sitio Tigbao, Barangay Balite, San Francisco, Surigao del Norte nitong umaga ng ika 14 ng Hunyo 2022.

Nangyari ang nasabing bakbakan pagkatapos makatanggap ng ulat mula sa mga sibilyan tungkol sa presensya ng armadong grupo na nagsasagawa ng pananakot at pangingikil sa nasabing lugar.

Rumesponde ang kasundaluhan mula sa 30IB pagkatanggap sa nasabing ulat at habang nagsasagawa ng pagpapatrolya sa komunidad upang kumpirmahin ang nasabing sumbong ay pinaputukan sila ng mga NPA na pinaniniwalaang grupo ng Sandatahang Yunit Pampropaganda (SYP) 16B ng Guerilla Front (GF) 16 ng North Eastern Mindanao Regional Committee (NEMRC) na pinamumunuan ni Pablo Logatiman o mas kilala bilang alias "Lucas" at agad gumanti ng putok ang mga kasundaluhan na nagresulta sa tatlumpung minuto na bakbakan. 

Agad din namang tumakbo papalayo ang mga armadong NPA dala ang kanilang sugatan na kasama at nakumpiska ang isang M16 na baril, dalawang ilegal na pampasabog, 195 na iba't-ibang uri ng bala ng baril, mga personal na kagamitan, mga subersibong dokumento, dalawang poncho tent, tatlong backpacks, mga kagamitang pang-medisina, kalahating sako bigas, siyam na pirasong baterya, isang electrical tester, at dalawang rolyo ng electric wire.

Samantala, nagpadala agad ang Philippine Air Force ng dalawang 520MG Attack Helicopters upang tutulong sa mga napasabak sa bakbakan na tropa ng pamahalaan. Walang nasaktan sa mga kasundaluhan sa nangyaring engkwentro. 

Matatandaan na nitong Enero 24, 2022 nang magsimulang magkaroon ng Community Support Program (CSP) sa Barangay Balite. Dahil dito ay naging mabilis ang aksyong pangseguridad sa komunidad, ang mga mamamayan ay nagdeklara din ng pagbawi ng suporta sa mga armadong grupo ng NPA. Ito ay dahil ayaw na din ng mga tao ng kaguluhan.

Ayon sa pahayag ni Lt Col Ryan Charles G. Callanta, ang pinuno ng 30IB, lubos ang kanyang pasasalamat sa ibinigay na tiwala at suporta ng mga sibilyan,

“Nagpapasalamat kami sa tiwala at suporta ng mamamayan sa pagbibigay ng impormasyon tungkol sa presensya ng armadong grupo dahil sa kanilang pakikipagtulungan at kooperasyon sa ating kampanya laban sa terorismo. Ito ay nagpapakita lamang na ayaw na nila ng kaguluhan at pang-aabuso sa pamamagitan ng ekstorsyon at pananakot," ani ng opisyal. 

“Muli kaming nananawagan sa mga natitirang miyembro ng NPA na sana'y pakinggan nila ang hinaing ng kanilang pamilya na bumalik na sa kanilang piling at mamuhay ng tahimik," dagdag pa niya. (1LT Benjamin Elisand De Dios (OS) PA, 30th Infantry Battalion/PIA-Surigao del Norte)