3-adlaw DRRM and Health Planning Workshop gipahigayon sa Dinagat Islands
SAN JOSE, Dinagat Islands, Hunyo 15 (PIA) -- Usa ka 3-day Disaster Risk Reduction and Management ug Health (DRRM-H) Planning Workshop gilangkuban sa mga buhatan sa Provincial Health Office, Provincial Disaster Risk Reduction and Management Office, ug ang pito ka Municipal Health Office sa nagkadaiyang lungsod ning probinsya ang gipahigayon bag-ohay pa lamang.
Usa ka proseso nga pagtuon ang DRRM-H planning nga may kalambigitan sa mga hazard, vulnerabilities, ug risks sa mga area. Usa usab kini ka sistematiko, istratehikong evidence-based, ug konsultatibong proseso sa lebel sa regional, provincial, city, municipality, barangay, ug hospital alang sa pagsiguro sa Resilient Health Systems.
Aktibong nipartisipar usab ang mga nisalmot na personahe sa Municipal Health Units sa pagpresenta sa ilang mga datos ug plano sa ilang tagsa-tagsa ka mga lungsod.
Pagpangandam usab kini nga seminar-workshop aron mas mapadali ang pagtubag sa mga nanginahanglan sa panahon sa umaabot na kalamidad ug uban pang mga katalagman. (Dinagat Islands-PIO/PIA -Dinagat Islands)
