Konsiho sa Agusan nag-awhag sa pagpasar sa plano batok sa sayong pagmabdos
BUENAVISTA, Agusan del Norte -- Ang Provincial Development Council (PDC) sa Agusan del Norte hugtanong gisuportahan ang kampanya sa Commission on Population and Development batok pagpugong sa pagmabdos sa kabatan-onan pinaagi sa pag-aprobar sa Social Development Committee (SDC) – Resolution No. 5, Series of 2022 nga nag-awhag sa probinsiya, syudad, ug kalungsoran sa pagmugna og Comprehensive Action Plan Against Teenage Pregnancy.
Kabahin niini, si Alexander A. Makinano, ang Regional Director sa POPCOM Caraga, nagpasabot sa PDC Full Council meeting sa Provincial Training Center, Butuan City nga ang hiniusang paningkamot gikan sa nagkadaiyang sector sa katilingban aron mapugngan ang pagtaas sa mga kaso sa pagmabdos sa mga kabatan-onan.
Ang konsiho nga gipangulohan ni Governor Dale B. Corvera nag-awhag sa 10 ka munisipyo sa Agusan del Norte ug siyudad sa Cabadbaran nga magpasa ug komprehensibo nga plano sa aksyon para sa pagpugong sa pagmabdos sa mga batan-on sa POPCOM Caraga agig pagsanong sa Executive Order 141.
Kini nga inisyatibo makatabang sa pagsangka sa pagkaylap sa pagmabdos sa mga batan-on ug makahatag sa ila ug mas maayong kalidad sa kinabuhi. (POPCOM Caraga/PIA Agusan del Norte)
