Hugyawan sa mga empleyado nagmalampuson
DAKBAYAN SA BUTUAN -- Malampuson nga gisaulog ka gahapong adlawa Miyerkules, Hunyo 15, 2021 ang Employees Day sa Agusan del Norte nga gipahigayon sa Capitol Ground, Butuan City.
Pagkahapon niini gipahigayon ang padula sama sa BINGO, raffle draw nga adunay dagkong mga papremyo gikan sa 1,500, 2000, 3000, 5000, 20,000, 35,000 hangtod sa 50,000.00. Ug adunay sugba sugba nga bangus nga gipasiugdahan sa Provincial Agriculture Office (PAO) sa pagpanguna ni Mr. Alvin P. Aclan.
Sa pagka gabie niini, adunay mga presentation, tribute para sa atong Gobernador agi’g pasalamat nga gitambungan sa mga provincial officials ug mga empleyado kauban nila Provincial Governor Dale B. Corvera, Vice Governor Ramon A G. Bungabong, PBM Elizabeth Marie R. Calo, PBM Rodulfo A. Pitogo ug mga Head of Offices.
Matod pa sa gipaabot nga mensahi ni Gobernor Corvera dako niya og pasalamat sa higayon nga nahimo siya og gobernador bisan sa usa lamang ka termino tungod kay iyang gibuhat o napakita ang tinuoray nga pagserbisyo sa Agusan del Norte. Dugang niini nga anaay mga kabag ohan sa pag angat aron mopalambu pa ang mga katawhan sa Agusan ug mapasalamaton usab ni gobernor Dale ngadto sa mga empleyado sa pagtabang sa iyang pagdumala.
Ug sa lain bahin usab nagpasalamat si Vice Gobernor Bungabong sa pagsaulog sa mga empleyado bisan usa lamang kaadlaw aron maipakita ang paghiusa.
Ug natapus kini nga puno og kalipay kay ubay ubay usab ang gipalad nga nakadawat og mga premyo. Daku usab nga pasalamat sa mga empleyado kay dili man tanan gipalad pero daku gihapon ang kalipay ang natagamtaman sa tanan. (Jessica O. Mellejor, LGU Agusan del Norte/PIA Agusan del Norte)
