Posibleng developer sa NANIE, gitakdang mobisita sa Agusan del Norte
DAKBAYAN SA BUTUAN -- Gihimo sa probinsyal ug municipal nga panggamhanan sa Nasipit ang preparasyon alang sa gitakdang pagbisita karong Hunyo 1 sa posibleng developer sa Nasipit Agusan del Norte Industrial Estate [NANIE] nga mao ang Malaysian Trading Development Incorporation.
Kaabag sa probinsya ug sa munisipyo sa Nasipit ang Philippine Economic Zone Authority [PEZA] nga maoy nangita sa mahimong developer sa NANIE.
Ang panagtigum gipasiugdahan sa Provincial Planning and Development Office [PPDO] nga maoy nag facilitate sa umaabot nga kalihukan kauban si Mayor Enrico Corvera sa Nasipit, mga sakop sa Sangguniang Bayan sa Nasipit ug mga hepe sa opisina probinsya ug sa munisipyo.
Gihimo sa maong tigum ang pagbahin sa
mga buluhaton kalabot sa maong kalihukan.
Kabahin ang NANIE sa Process! Process! Process! Project sa AGUSAN UP!, ang kampanya sa pagpalambo sa administrasyon ni Gob. Dale B. Corvera kaabag ang buhatan ni Kong. Angel Amante-Matba.
Ang pagpalambo sa NANIE usa sa mga katumanan sa probinsya nga mahimong Agri-Processing Center ug Industrial Estate Zone sa Caraga pag abot sa tuig 2027. (LGU Agusan del Norte/PIA Agusan del Norte)
