Ang LGU-Carrascal miduyog sa pagselebrar sa tinuig nga pagsaulog sa Farmers and Fisherfolks Month
CARRASCAL, Surigao del Sur – Ang lokal nga panggamhanan sa munisipyo sa Carrascal, Surigao del Sur ubos sa administrasyon ni Mayor Vicente H. Pimentel, III miduyog sa tinuig nga kasaulogan sa tibuok nasud- ang bulan sa mag-uuma kon “Farmers and Fisherfolks Month”.
 |
| Photo credit to: LGU CArrascal, SDS |
Pinasikad sa tema nga "Modernisasyon ug Industriyalisasyon Pasingud sa Abunda nga Abot ug Dako na Kita", ang paggamhanang lokal sa lungsod sa Carrascal hugtanon nga milaum nga mapahamtang ang mga programa luyo sa pagpaningkamot sa pagbag-o sa sektor sa agrikultura ngadto sa modernisado ug industriyalisadong pamaagi aron mas makaalagad sa mga mag-uuma ug mangingisda sa maong lungsod.
Subay sa selebrasyon, ang libreng BINHI nga humay alang sa tanang mga mag uuma nga aktibo sa pagpananom og humay ang gipang-apod apod. Ang libreng binhi sumala pa sa taho gikan sa Department of Agriculture - Rice Competitiveness Enhancement Fund (RCEP) nga programa.
Sumala pa sa buhatan sa Municipal Agriculture Office nga gipamunuan ni Municipal Agriculturist Japhet Sugian, gawas sa pagpang-apod apod sa binhi, mihimo usab sila og Registry System for the Basic Sectors in Agriculture (RSBSA) registration, nagpasabot og mipadali sa Rice Crop Manager (RCM), insurance coverage sa mga tanom (crops) og mga buhi (livestocks) sa mga mag-uuma, apil na ang pagpang hatag sa mga nagkadaiyang binhe sa mga gulay, og daghang pang serbisyo nga makabenepisyo ang mga mag-uuma.
Ang maong aktibidad molangkob sa tulo (3) ka adlaw gikan Mayo 18-20, 2022 nga ipahigayon sa Panikian Covered Court, Panikian, Carrascal, Surigao del Sur.
Sumala pa sa taho nga gikinahanglang magdala ang mga mag-uuma sa bisan unsang government identification card para sa ilang pagkatawo ug endorsement gikan sa ilang presidente sa Farmers Association (FA), basehan aron makapahimulos sa mga programa gikan sa gobyerno. (NGPB/PIA-Surigao del Sur)
