Caraga natala ang ubos nga AHD sa Q1 - POPCOM
BUENAVISTA, Agusan del Norte -- Ang rehiyon sa Caraga nakab-ot lamang ang 4% sa 2022 target niini para sa Adolescent Health and Development demand generation nga adunay 595 nga batan-on, 332 nga mga ginikanan ug significant adults, ug 38 nga mga magtutudlo nga naay kinatubuk-an nga 965 o 4% sa 26,438 nga target sa demand generation ang nag apil sa lain lain nga mga aktibidad sa demand generation nga gipahigayon sa mga rehiyon ug lokal program partners sa 1st quarter tuig 2022.
Ang syudad sa Cabadbaran ang adunay pinakataas nga nakab-ot nga demand generation nga adunay 665 ka mga partisipante, sunod ang Probinsya sa Dinagat Islands nga adunay 161 nga mga partisipante, Surigao del Norte nga adunay 140 nga mga partisipante, Surigao del Sur nga adunay 25 nga partisipante, ug Agusan del Norte nga adunay 16 nga mga partisipante.
Ang kadaugan sa AHD program para sa 1st quarter tuig 2022 nakab-ot pinaagi sa padayon nga panag-uban sa POPCOM ug mga lokal nga population offices, pagpanindot sa social media platforms sa pagkab-ot sa mga benepisyaryo, pakpakusog sa panaguban sa Civil Society Organizations, ug ang pagpirma sa Memorandum of Understanding kauban ang lokal nga mga partners ug and Kagawaran sa Edukasyon.
Kadaghanan sa mga kabatan-onan nga nakab-ot maoy resulta sa mga gihimong Adolescent Sexual and Reproductive Health Forum Caravan sa mga Probinsya sa Dinagat Islands ug Surigao del Norte, ilabi na sa mga munisipyo sa San Jose, Libjo, Dapa, Santa Monica, ug Siargao Islands bulan sa Pebrero isip kabahin sa inisyatibo sa POPCOM nga gitawag nga Sexual and Reproductive Health Information Service Delivery in Crisis Situation sa mga naapaktuhan nga komunidad sa bagyon Odette.
Ang mga ginikanan, significant adult ug magtutudlo nga nakab-ot sa programa resulta sa mga aktibidad sa municipal office sa San Agustin, Surigao del Sur, provincial population office sa Agusan del Norte, ug city population office sa Cabadbaran. Kini nga mga aktibidad mao ang Presentation of PPDP with Local Stakeholders, Parenting Education among Community Health Workers, Lecture on Role of Parents in Educating among PWDs, Lecture on Responsible Sexuality and Risks of Teenage Pregnancy, ug Teenage Pregnancy Awareness and Prevention. (Gabrielle Paolo M. Mordeno, POPCOM Caraga/PIA-Agusan del Norte)
