LGU Dinagat Islands, IOM pormal nga mi turn over sa model house ubos sa programang libreng Pabahay
SAN JOSE, Dinagat Islands, Mayo 17 (PIA) -- Malipayon ug pormal nga giturnover ang usa ka unit nga model house ngadto kang Julieta J. Duran, 72 years old, nga aduna'y balatian sa panglawas nga nanimuyo sa Purok 2, Barangay Poblacion, San Jose.
Isa siya sa mga kwalipikadong napili isip benepisaryo sa programang "The Safe Room Resilient Shelter: Climate-Proofing the Vulnerable Filipino Household" nga gidumalahan sa International Organisation for Migration (IOM) nga kabahin sa ilang pagresponde sa mga labing apektadong pamilya tungod sa Bagyong Odette.
Asoy ni Nanay Julieta, naka-survive siya sa nakalabay nga Super Typhoon Odette diin nahiagoman niini ang makalilisang nga kasinatian sa kinabuhi dala sa kalamidad.
Matud pa niini nga siya naningkamot sa pagunit sa usa ka haligi sa iyang balay aron dili sya madala ug mapalid sa kusog kaayo nga hangin diin nagkurog sa katugnaw tungod basa sa ulan sulod sa 6 ka oras ug nagpabiling luwas iyang kinabuhi samtang nahugno ang intero nilang pinuy-anan.
Dugang pa niya nga siya madasigon ug mapasalamaton sa mga personahe sa IOM ug mga opisyal nga naghatag ug tabang kanila ilabi na sa pagtukod ug maslig.on nga balay laban sa kalamidad nga bagyo.
Katimbang niini nga programa ang Provincial Government ubos sa kadumalahan ni Governor Kaka Bag-ao nga padayong naghatud sa serbisyo ug panginahanglanon sa katawhan sa probinsya.
Kauban sa pag turn over ni Gov. Kaka sila Rizalino Delos Santos,
Senior Programme Assistant sa IOM Mission in
the Philippines, ug uban pang mga kaubanan niini nga personahe sa IOM. (Dinagat
Islands-PIO/PIA- Dinagat Islands)
