Lianga Bay sa SurSur nagpabilin nga positibo sa Red Tide Toxin
Subay sa pinaka ulahing taho nga gipagawas sa buhatan sa Bureau of Fisheries and Aquatic Resources kon BFAR sa Rehiyon sa Caraga, ubos sa pakig alayon sa local nga panggamhanan, ang kinhason nga nakolekta sa kadagatan sa Lianga Bay sa Surigao del Sur nagpabilin nga positibo sa paralytic shellfish poison o red tide nga lapas sa regulatory limit.
Sumala pa sa taho, lakip niini nga nagpositibo sa Red Tide Toxin ang mga kinhason nga nakolekta sa kadagatan sa Bolinao sa Pangasinan; Milagros sa Masbate; Dauis ug Tagbilaran sa Bohol; Dumanquillas Bay sa Zamboanga del Sur; og Litalit Bay sa San Benito, Surigao del Norte.
Tanang matang sa kinhason ug mga alamang nga makuha gikan sa maong dapit DILI LUWAS nga kaunon.
Ang mga isda, nukos, pasayan, ug alimango pwede nga kaunon sa tawo apan kinahanglan nga lab-as ug hugasan ug maayo, ug ang mga lamang loob sama sa hasang ug tinai kuhaon una lutuon. (DA-Caraga/PIA Surigao del Sur)
