(PAGASA 24-HOUR PUBLIC WEATHER FORECAST as of Wednesday, 27 March 2024) Easterlies affecting the eastern section of the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies / Localized Thunderstorms. Possible flash floods or landslides during severe thunderstorms.


Thursday, May 12, 2022

Seminar-workshop gihimo pagpalambo sa performance sa mga emplyado sa probinsyal nga panggamhanan sa Agusan del Norte

DAKBAYAN SA BUTUAN -- Gisugdan karon, Mayo 12, ang duha ka adlaw nga Seminar-Workshop sa Strategic Performance Management System (SPMS) sa matag empleyado sa probinsya sa Agusan del Norte. 

Unang gihatagan og pagbansay ang mga Chief of hospitals ug mga representante sa provincial hospital, district ug municipal hospitals sa probinsya sa kalihukan nga gihimo sa Provincial Training Center, Provincial Capitol, Butuan City. 

Ang SPMS magsilbing pamaagi pagsukod sa kalidad, efficiency ug timeliness lakip na ang competencies sa matag empleyado base sa performance niini pagseguro nga mahimo niya ang mandato ug mga tahas sa iyang trabaho.

Ubos sa SPMS tutokan usab ang Office Performance & Commitment Review (OPCR) ug Individual Performance Commitment and Review (IPCR) sa matag usa, apil na ang Financial Plan, Research and Development Plan, Procurement Plan, Human Resource Plan ug Recruitment selection.

Sumala ni Dir. Christopher C. Mabale sa Civil Service Commission (CSC) Caraga nga kinahanglan masabtan unsa ang vision sa probinsya isip direksyon sa panerbisyo sa matag empleydao.

Dugang ni Mabale nga ang vision sa probinsya sa Agusan del Norte kinahanglang ma-translate into programs aron makalatag ug mga programa alang sa mga Agusanons nga maoy basehan sa performance sa matag empleyado.

Ang SPMS usa pod sa requirements sa CSC nga gitawag nga Performance Management: A Component of PRIME-HRM.

Himoon ang sunod nga SPMS sa uban pang mga departamento ug opisina sa probinsya sa Hunyo ning tuiga.

Ang probinsya sa Agusan del Norte naglantaw ubos sa kasamtangang adninistrason ni Gob. Dale B. Corvera nga mahimong “Agricultural Processing Center sa Caraga Region pag abot sa tuig 2027,” direksyon sa pagpalambo nga maoy mahimong panukaran sa tahas sa matag empleyado. 

Kini usab ang panglantaw sa gisundan ni Gob. Corvera nga administrasyon ni Kanhi Gob. Angel Amante-Matba, ang kongresista sa Segundo distrito karon ug mobalik isip gobernador karong Hunyo. 

Si Gob. Corvera magsilbi sugod sa Hunyo isip kongresista apan base sa iyang mga pamahayag padayong suportahan niya ang katumanan sa maong panglataw diha sa mga palisiya nga iyang pandayon ug mga programa nga himoon sa distrito ug nakita niya nga dakung tabang ang SPMS sa pagseguro nga matutokan sa mga empleyado ang ang pagkab-ot ning maong panglanw.

Ang Performance Management Team (PMT) sa probinsya sa Agusan del Norte nag compose sa mga buhatan sa Provincial Planning and Development Office [PPDO], Provincial Human Resource and Management Office (PHRMO), Provincial Governor’s Office (PGO), PECAN, Provincial Accounting Office [PASSO], Provincial Treasurer’s Office (PTO) ug Provincial Budget Office (PBO).

Personal usab nga mitambong si Provincial Board Member Board Member Virgilio EscasiƱas, Jr., Dr. Tomas O. Tener, Jr. sa PPDO, Jo-anne E. Cenas sa PHRMO. (Agusan Up/PIA Agusan del Norte)