(PAGASA 24-HOUR PUBLIC WEATHER FORECAST as of Saturday, 28 May 2022) Intertropical Convergence Zone (ITCZ) affecting Mindanao. The entire Caraga region will have a Partly cloudy to cloudy skies with isolated rainshowers or thunderstorms caused by Localized Thunderstorms. Possible flash floods or landslides during severe thunderstorms. Light to moderate winds coming from South to Southwest will prevail with slight to moderate seas (0.6 to 2.1 meters).



Friday, April 29, 2022

DTI-AgNor, naglunsad ug KMME-MME training para sa mga mag-uuma 

DAKBAYAN SA BUTUAN -- “Daku siya’g impact sa amo nga mga bag-o bahin sa negosyo. Dili mi hanas. Diri sa training (KMME-MME) nahibal-an namo unsay mga pamaagi unsaon nato nga mapalambo ang negosyo.”

Kini sumala pa sa mga mag-uuma ang nahimong dakung tabang kanila sa nagdagan karon nga Kapatid Mentor ME-Money Market Encounter Online (KMME-MME), usa ka entrepreneurial development training nga gipahigayon sa probinsya kaabag ang probinsyal nga buhatan sa Department of Trade and Industry (DTI) - Agusan del Norte. 

Tungod niini, nadasig ang mag-uuma sa asosasyon sa Simbalan Mabungahon Workers Association (SMAWA) sa Buenavista, Agusan del Norte sa pagsuporta kaniya sa pag-apil sa maong pagbansay, sumala pa ni Elenita Cadeniag, chairperson sa asosasyon.

Ang pagbansay, sigon ni Cadeniag, nagdugang sa iyang kahibalo pagpadagan sa negosyo. Sa pagbansay niya nakat-onan mga ayha sugdan ang negosyo kinahanglan mahibal-an una ang business model canvass ug adunay design ug tumong. Dugang gihisgutan ni Cadeniag ang kahibalo diha sa customer relationship, value proposition, key activities, unsay gamit pang negosyo, key resources, key partners, channels (pamaagi sa negosyo), ug costing.

Ang kahibalo gikan ning 10 ka semana nga pagbansay sa tan-aw ni Cadeniag mapaambit niya sa 45 ka sakop sa iyang asosasyon.

Ang KMME-MME gipasiugdahan sa Probinsya sa Agusan del Norte ubos sa proyektong Process! Process! Process! ang kaluhang proyekto sa Plant! Plant! Plant! sa AGUSAN UP!, ang kampanya sa pagpalambo sa administrasyon ni Gob. Dale B. Corvera kaabag ang buhatan ni Kong. Angel Amante-Matba. 

Usa sa mga tumong sa AGUSAN UP! mao ang pagmugna og mga processing projects nga mahimong panukaran sa pagkab-ot sa panglantaw niini nga mahimong “Agri-Processing Center sa Caraga” pag-abot sa tuig 2027. (LGU-Agusan del Norte/PIA-Agusan del Norte)