Educational aid alang sa college students sa Carmen, aprobado na
DAKBAYAN SA BUTUAN -- Makadawat na og educational aid ang mga kwalipikadong kabus nga nagtungha sa kolihiyo nga mukabat sa PhP5,000 kada semester sulod sa duha ka tuig.
Gitakda nga muabot sa 30 ka mga kwalipikadong indigent students lamang ang maka angkon niini sulod sa walo ka mga barangay sa Carmen diin gi klaro nga dili mahi apil ang mga estudyante nga naka benipisyo na sa Tertiary Educational Subsidy (TES) ug ang cheque sa maong educational aid idiritso gayud sa hingtundang skwelahan.
Tumong niini nga mahatagan ug kasayon sa pagtungha og dikalidad nga serbisyo para sa mga estudyante aron makab ot nila ang ilang mga pangandoy ug maka dugang sa populusyon nga mag hatag og kalambuan sa probinsya pag abot sa panahon.
Ang maong resolosyon gi aprobahan adtong Abril 11, 2022 sa SP atol sa ika-133rd regular session nga gipangamahan sa tsirman sa Committee on Education and Culture nga si Bokal Rodulfo Pitogo. (LGU-Agusan del Norte/PIA-Agusan del Norte)
