Pagbakuna sa kabataan edad 5-11, gisugdan sa Buenavista
DAKBAYAN SA BUTUAN -- Gilusad atong Marso 9, Miyerkules, ang Resbakuna Kids o vaccination alang sa pediatric group nga 5-11 years old sa Municipal Gym, Buenavista, Agusan del Norte.
“Kini para pod sa face to face nga sinugdanan," dugang ni Alicante.
Gidayeg ni Alicante ang mga kabataan nga nagpakita og kaisog samtang gi bakunahan. “Nakita nato sa atong simulation isog kaayo atong mga kabataan, sila pa ang mag una-una og lingkod," sangpit niya.
Gitarget nga makuha ang 80% gikan sa 4,100 sa populasyon sa mga kabataan ang mabakunahan sa lungsod.
Ubay-ubay ang nagpa rehistro alang sa pediatric group ug gitarget nga 200 ka mga kabataan sa lungsod ang mabakunahan atol sa gihimong launching.
Padayong gi-awhag sa Probinsyal nga Panggamhanan ang tanang ginikanan nga adunay mga kabataan sa pangidaron nga 5-11 years old nga magpabakuna na aron ma protektahan batok sa COVID-19.
Subay sa kampanya nga gipadagan ni Gob. Dale B. Corvera, gidasig ang matag agusanons nga magpabakuna tungod kay sumala pa sa panawagan sa probinsya, "Sa Bakuna, Luwas ta Bai!" (Shena Mae Pabia ug Ydheil Zagado, LGU-Agusan del Norte/PIA-Agusan del Norte)
