Dugang proyekto ubos sa AIP aprobado sa SP AgNor
DAKBAYAN SA BUTUAN -- Pinaagi sa Provincial Resolution No. 147-2022, gi aprobahan sa Sangguniang Panlalawigan ang 4th Supplemental Annual Investment Program (AIP) alang sa tuig 2022 nga mukabat sa Php19,477,500 nga gi-duso sa Provincial Development Council (PDC) subay sa PDC EXECOM Resolution No. 05, Series of 2022.
Bungabong
Lakip sa mga nadugang nga mga proyekto para sa 4th Supplemental AIP ang mga musunod: Improvement of Manpower Human Resource Development and Enhancement Center sa Brgy. Maraiging, Jabonga ning lalawigan – Php10 million; Construction of Covered Walk with Railings Phase II sa Nasipit - Php500,000; pundo para sa pag-gama og River Bank Slope Protection Along Mayugda Creek sa Poblacion, Jabonga - Php360,500; ug uban pang mga proyekto nga angay mahatagan og prayoridad.
Mahinumduman nga kani-adtong Hunyo 11, 2021, gi aprobahan ang Provincial Resolution No. 262-2021 kabahin sa Annual Investment Program para sa tuig 2022 nga nagkantidad og P6,463,212,214.67 atol sa ika-93rd regular session sa SP. I-apil ang nasangpit nga 4th Supplemental AIP sa naaprobahan na nga AIP CY 2022 aron mapunduhan ang mga proyekto. Tumong niining lakang para madugangan og mga proyekto nga mag hatag og kalambuan sa nagka daiyang sector sa probinsya arun sa pag uswag sa ekonomiya.
Ang maong resolution gi-aprobahan atol sa ika-129th regular session ni-adtong Marso 14, 2022 sa pagduso ni Vice Governor Ramon AG. Bungabong. (LGU-Agusan del Norte/PIA-Agusan del Norte)
