Unang hugna sa pagreview sa business plans sa core processing projects ubos sa Agusan Up!, ginapahigayon
DAKBAYAN SA BUTUAN -- Gisugdan sa mga personahe sa Process! Process! Process! Team sa AGUSAN UP! ang review sa business plan sa core processing projects nga ipahiluna aron maoy panukaran sa pagkab-ot sa panglantaw sa Agusan del Norte nga mahimong "Agri-Processing Center sa Caraga".
.jpeg)
Naay 15 ka core processing projects ang probinsya ug lima ang gilantaw nga ma-review hangtud ugma alang sa dayon na nga pagpahiluna sa proyekto sa mga proponents ug partners niini.
Ang lima ka core processing projects nga unang i-review mao ang “Food Basket” sa Kitcharao; “Beyond Rice” sa RTR; “Coffee Net” sa Buenavista; “Country Wood” sa Nasipit; ug “Orchard Stopover” sa Carmen.
Gihisgutan sa maong review ang kinatibuk-ang viability sa proyekto kalabot sa merkado, technikal, organization and management, financial ingon man ang environmental ug social acceptability nga mga aspeto niini.
Gihisgutan usab ang mahimong papel sa mga industry clusters nga maoy manguna sa pagpalambo sa proyekto, ang mahimong suporta sa munisipyo ug probinsya ingon man ang pagtinabangay nga himoon sa investment generation campaign nga himoon unya gikan pribadong mamuhonan kung gikinahanglan. (LGU-Agusan del Norte/PIA-Agusan del Norte)
