(PAGASA 24-HOUR PUBLIC WEATHER FORECAST as of Wednesday, 27 March 2024) Easterlies affecting the eastern section of the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies / Localized Thunderstorms. Possible flash floods or landslides during severe thunderstorms.


Monday, February 7, 2022

Nawad-an og balay tungod sa bagyong Odette, mapasalamaton sa Bayanihan Team

DAKBAYAN SA BUTUAN -- “Salamat.”

Kini ang nabungat ni Jeva Indiano, diin iyang pamilya ang usa sa 500 ka pamilya sa Barangay Colorado, Jabonga, Agusan del Norte nga apektado sa bagyong “Odette” nga mihapak sa probinsya niadtong Disyembre. Usa sab ang balay ni Indiano sa mga 40 nga naay totally damaged nga balay, sa dihang gibisita kini sa AGUSAN UP! Info Team niadtong Enero 31.

“Wala namo gidahom nga ing-ato, nga dili muabot sa punto nga mawad-an mi og balay… kay wa namo gi expect nga ing ato ka kusog ang bagyo… pero parehas ani karon, pasalamat gyud mi sa mga nitabang sa amo nga naay bayanihan nga ing ani nga nahitabo,” sumala ni Indiano.

Kasamtangang gitabangan siya sa mga sakop sa “Bayanihan Composite Team” sa pagpabarug sa mahimo unya niyang balay ug alang niya ang pagpasalamat ra gyod ang bug-at niyang mapaabot og balik sa mga mitabang niya aron makabangon gikan sa katalagman. 

Ang “Bayanihan Composite Team” ang usa sa mga inisyatiba sa probinysal nga pangggamhanan sa Agusan del Norte ubos sa liderato Gob. Dale B. Corvera, giapilan sa 2nd Provincial Mobile Force Company (PMFC), Technical Education and Skills Development Authority (TESDA)-Agusan del Norte, SR Metals Incorporated (SRMI), 29th Infantry Battalion ug sa Municipal Government sa Jabonga.

Isip kaagapay, nagpadala ang probinsya og mga personahe nga mo-repair sa mga panimalay. Naghatag usab kini og mga materyales para sa atop ug nagtabang paghatag og pagkaon alang sa mga trabahante pinaagi sa pundo nga gi download ngadto sa mga munisipyo.

Sa pakighinabi kang barangay chairperson Angelo Moran sa Barangay Colorado, nahibaw-an nga gitakdang ipabarug ang 40 ka 6X5 o 30 metro kwadrado nga balay alang sa mga panimalay nga naay totally damaged nga pinuy-anan sa ilang barangay sa tunga sa ektarya nga luna sa ilang barangay nga gipanag-iya sa munisipyo.

Niini mapasalamaton si kapitan sa nagkadaiyang ahensya, sa gobyerno man o pribado, ilabina kang Gob. Dale Corvera ug ni Kong. Angel Amante-Matba tungod kay daghay nahitabang nila sa Barangay Colorado. (Shena Mae Pabia, LGU-Agusan del Norte/PIA-Agusan del Norte)