(PAGASA 24-HOUR PUBLIC WEATHER FORECAST as of Monday, 28 November 2022) Intertropical Convergence Zone (ITCZ) affecting Mindanao. Surigao del Norte, Surigao del Sur, Dinagat Islands will experience cloudy skies with scattered rainshowers and thunderstorms due ITCZ. Possible flash floods or landslides due to moderate with at times heavy rain. Butuan City, Agusan del Norte, Agusan del Sur will experience partly cloudy to cloudy skies with isolated rainshowers or thunderstorms due ITCZ / Localized Thunderstorms. Possible flash floods or landslides during severe thunderstorms. Light to moderate winds coming Northeast to East will prevail with slight to moderate seas / (0.6 to 2.1 meters).


Monday, January 24, 2022

Gender-based violence sa mga evacuation centers, tinutukan ng IDP Protection Cluster

LUNGSOD NG BUTUAN -- Kahit abala ang iba't-ibang ahensya ng pamahalaan sa kanilang relief operations sa Caraga region, tinututukan pa rin ng Internally Displaced Persons (IDP) Protection Cluster ang mga posibleng kaso ng gender-based violence (GBV) sa mga apektado ng bagyong Odette.

Ayon kay Jessie Catherine Aranas, hepe ng Protective Services Division ng Department of Social Welfare and Development (DSWD)-Caraga at focal person ng Regional Inter-Agency Committee Against Trafficking – Violence Against Women and their Children (RIACAT-VAWC), ang GBV ay posibleng nangyayari sa mga evacuation centers lalo na at siksikan ang mga residenteng pansamantalang naninirahan dito.

“Ang gender-based violence ay tumutukoy sa ano mang gawaing direktang nakapagdudulot ng kapahamakan sa indibidwal ano man ang kanyang kasarian. Ibig sabihin, hindi lang ito usapin ng mga babaeng inaabuso or ini-exploit kung hindi lahat po ng tao pwedeng maging biktima ng gender-based violence,” ani ni Aranas. 

Ang GBV ay nangyayari sa paraang pisikal, sexual, psychological at iba pa. “Kadalasan, ‘yung mga kaso nga natin nabibiktima pa sila sa sarili nilang bahay, mas lalo na sa evacuation centers kung saan iba-iba at hindi mo alam kung sino ang mga kasama mo,” dagdag niya.

Binigyang-diin din ni Aranas ang mahalagang papel ng lokal na pamahalaan sa pagmomonitor at pagpapatupad ng kanilang referral system, at bilang mga first-hand responders sa mga biktima.

Ilang kaso na sa Surigao del Norte ang isinampa laban sa mga perpetrators.

Nanawagan din si Aranas sa mga biktima o sa mga may alam ng pang-aabuso na agad ipaalam sa otoridad o kaya ay itawag sa kanilang hotline.

“Mayroon po tayong psychological first aid o mga counselling session bilang intervention natin sa mga biktima. May temporary shelter din tayo para sa kanila. Kabilang din dito ang medical, educational, financial at livelihood assistance,” banggit ni Aranas. (JPG/PIA-Caraga)