(PAGASA 24-HOUR PUBLIC WEATHER FORECAST as of Friday, 28 January 2022) Shear Line affecting Northern Luzon. Easterlies / Localized Thunderstorm affecting Mindanao. The entire Caraga region will experience Partly cloudy to cloudy skies with isolated rainshowers due to Easterlies / Localized Thunderstorm. Possible flash floods or landslides during severe thunderstorms. Light to Moderate winds coming from East to Southeast will prevail with Slight to Moderate seas / (0.6 to 2.5 meters).



Tuesday, December 7, 2021

Pagpanghatag og incentives sa CDWs sa Agusan Norte nagpadayon; 41 nakadawat sa Cabadbaran City

DAKBAYAN SA BUTUAN -- Mosuma sa 41 ka Child Development Workers (CDW) sa syudad sa Cabadbaran ang nakadawat og year-end cash incentives gikan sa probinsyal nga panggamhanan sa pagpang-apod-apod nga gipangunahan ni Provincial Governor Dale B. Corvera inubanan ni Cabadbaran City Mayor Judy Chin-Amante, kagaina, Disyembre 6.

Ang matag CDW nakadawat og tag Php6,000 gikan sa provincial government ug gipun-an kini ni Gob. Corvera gikan sa iyang personal nga kuwarta og tag PhP1,000.

Ang pagpanghatag og year-end cash incentives ngadto sa mga CDW kabahin sa inisyatiba sa buhatan sa Provincial Social Welfare and Development (PSWD) ubos sa programa sa Early Childhood Care and Development aron madasig ang mga lumilihuk sa pag-atiman sa kabataan sa probinsya.

“Nakita nako nga ang mga day care workers daku kaayo og contribution sa development sa atong mga kabataan labi na sa hilit-hilit nga lugar nato sa atong probinsya,” sumala pa sa gobernador.

Sa mensahe ni Gina C. Munion, gipadyag niya ang dakung pasalamat isip CDW Federation President sa probinsya. Iyang dugang nga bisan tinuig ang cash incentives nga ilang madawat apan daku na kini og bili alang kanila.

Sa kinatibuk-an, naay 260 ka mga Child Development Workers ang probinsya.

Mitambong usab sa maong okasyon sila SP member Joan Monding isip Committee Chair on Social Services, CSWDO Josephine Demoral, mga personahe sa PSWD ug CSWD.

Mahinumduman nga gisugdan ang pang apod-apod og Year-end cash incentives niadtong Disyembre 1 sa RTR, Disyembre 2 sa Nasipit, Disyembre 3 sa Las Nieves. 

Himoon usab sa mosunod nga mga adlaw ang pagpadangat sa maong incentives: Disyembre 7 sa Buenavista; Disyembre 9 sa Magallanes; Disyembre 10 sa Carmen; Disyembre 13 sa Santiago; Disyembre 14 sa Jabonga; Disyembre 16 sa Tubay; Disyembre 17 sa Kitcharao. (Shena Mae Pabia, LGU-Agusan del Norte/PIA-Agusan del Norte)