(PAGASA 24-HOUR PUBLIC WEATHER FORECAST as of Wednesday, 07 December 2022) Shear Line affecting Northern Luzon. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due localized thunderstorms. Possible flash floods or landslides during severe thunderstorms. Light to moderate winds coming from Northeast will prevail with slight to moderate seas / (0.6 to 2.5 meters).


Tuesday, December 7, 2021

Tribong Higaonon nagbansay sa GAP 

DAKBAYAN SA BUTUAN -- Gihimo niadtong Biyernes, Disyembre 3, ang pagbansay kalabot sa Good Agricultural Practices (GAP) sa mga sakop sa tribung Higaonon sa Sitio Balaatan, Camagong, Nasipit, Agusan del Norte.

Ang maong kalihukan, apil na ang uban nga mga pagbansay kalabot sa pagdumala sa uma ug pagpalig-on sa ilang organisasyon, apil sa kinahanglang agian sa mga sakop sa organisasyon nga nagsilbing partner sa probinsya pagpatuman sa magkaluhang mga proyektong Plant! Plant! Plant! ug Process! Process! Process! ubos sa AGUSAN UP!, ang kampanya sa pagpalambo sa administrasyon ni Gob. Dale B. Corvera kaabag ang buhatan ni Kongw. Angel Amante-Matba.  

 

Mosuma sa 25 ka mga miembro sa tribung Higaonon sa Balaatan Naamulan Higaonon Tribal Farmer Cooperative ang mitambong sa maong pagbansay.

 

Alang sa mga tribung Higaonon, daku ang mahimong tabang sa maong pagbansay aron mahimo silang hanas sa ilang mga buluhaton pagpaangat sa kahimtang sa pagpuyo sa mga sakop sa tribu.

 

Padayon ang paghimo sa samang mga pagbansay sa mga sakop sa uban pang mga organisasyon sa laing mga lugar sa mosunod nga mga adlaw. (Karen Kei Decamutan, LGU-Agusan del Norte/PIA-Agusan del Norte)