(PAGASA 24-HOUR PUBLIC WEATHER FORECAST as of Friday, 19 April 2024) Easterlies affecting the country. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rain showers or thunderstorms due to Easterlies. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from East to Northeast will prevail with slight to moderate seas (0.6 to 2.1 meters).

Wednesday, November 3, 2021

'Bantay ASF sa Barangay' i-implementar sa Cabadbaran

DAKBAYAN SA BUTUAN -- Gi-aprobahan sa Sangguniang Panlalawigan sa Agusan del Norte ang City Ordinance No. 2021-024 gikan sa lokal nga panggamhanan sa syudad sa Cabadbaran, “An Ordinance Institutionalizing “Bantay ASF sa Barangay” as Provided for under Administrative Order No. 07, series of 2021 of the Department of Agriculture and Appropriating Funds therefore Prescribing Penalties and for Other Purposes”.

Photo: CTTO

Aron mapugngan ang pagkaylap sa African Swine Fever (ASF) ug aron mapadali ang recovery sa hog sektor, ang Department of Agriculture (DA) nagpagawas og Administrative Order No. 07 nga serye sa 2021 aron ipatuman ang "Bantay ASF sa Barangay Program" sa tanan nga local government units (LGUs) sa nasud.

Ubos sa Section 4 sa maong ordinansa, nga gipangamahanan ni Sangguniang Panlungsod member Celson A. Sanchez, ang traynta uno (31) nga mga barangay kapitan sa syudad sa Cabadbaran gi-designate isip mga Barangay Biosecurity Officers (BBO) sa ilang tagsatagsa ka mga barangay. Mag conduct sila ug mga ASF negative monitoring matag semana ug buhaton ang mga kaakohan sama sa gimando sa Seksyon 3 sa Administrative Order No. 07-2021 sa DA.

Ang mga silot mao ang mosunod: 

a. Ang bisan unsang kalapasan sa ordinansa mahimong silotan sa multa nga lima ka libo ka pesos (Php5,000.00) nga adunay pagkabilanggo nga usa (1) ka tuig ug pagkumpiska sa bisan unsang mga materyal nga gigamit alang sa mga  kalapasan;

b. Ang bisan kinsa nga tawo/establisemento nga nagpanag-iya, nadakup nga nagbaligya, nagdala sa baboy, karne ug mga produkto nga gikan sa mga lugar nga adunay ASF pagasilotan; unang paglapas tulo ka libo ka pesos (Php3,000.00); ikaduhang paglapas upat ka libo ka pesos (Php4,000.00) ug ikatulong paglapas lima ka libo ka pesos (Php5,000.00)

Ang African Swine Fever (ASF) usa ka hataas nga epekto sa trans border nga sakit sa hayop nagpadayon sa pag-apekto sa sektor sa produksyon sa baboy sa Pilipinas nga walay bakuna, ni nailhan nga tambal hangtod karon. Kini ang hinungdan sa gibanabana nga 36% nga pagkunhod sa nasudnon nga imbentaryo sa baboy nga nakaapekto sa pareho nga panginabuhian ug pang-ekonomiya nga pang-agrikultura.

Gi-aprobahan ang maong lakang pinaagi sa Sanggunian Resolution No. 390-2021 sa pagpangamahan ni Provincial Board member Virgilio R. Escasinas, Jr., tsirman sa Committee on Agriculture and Agrarian Reform, inubanan sa mga myembro nga sila Provincial Board members Rodulfo A. Pitogo ug Francisco Y. Chan, Jr. atol sa ika 108th regular session kaniadtong September 27, 2021. (Jessica O. Mellejor, LGU Agusan del Norte/PIA-Agusan del Norte)