Tagbongabong Farmers Association akreditado na sa Agusan del Norte
DAKBAYAN SA BUTUAN -- Pinaagi sa Sanggunian Resolution No. 436-2021 nga gipangamahanan ni Provincial Board member Francisco Y. Chan, Jr., gi-akredit sa Sangguniang Panlalawigan sa Agusan del Norte ang Tagbongabong Farmers Association sa Barangay Tagbongabong, sa lungsod sa R.T.R, isip usa ka people’s organization.
Ang maong asosasyon nga gi-organisa nag tumong sa pagpauswag sa kahimtang sa panginabuhi pinaagi sa mga proyekto nga makamugna og kita ug panginabuhian sa mga negosyo sa agri-negosyo nga motubag sa panginahanglan sa mga miyembro niini.
Ubos sa Seksyon 34 sa Local Government Code of 1991, nagmando kini nga i-promote ang pag-establisar sa mga peoples' organizations (POs), non-government organizations (NGOs) ug mga pribadong sektor aron kini mamahimong mga aktibo nga partner sa local government unit dinhi ning lalawigan sa Agusan del Norte.
Kini gi-aprobahan niadtong ika 112th regular session sa pagpangamahan ni Provincial Board member Chan. (Jessica O. Mellejor, LGU-Agusan del Norte/PIA-Agusan del Norte)
