(PAGASA 24-HOUR PUBLIC WEATHER FORECAST as of Friday, 12 August 2022) Southwest Monsoon affecting the western sections of Central and Southern Luzon. The entire Caraga region will experience partly cloudy to cloudy skies with isolated rainshowers or thunderstorms due to Southwest Monsoon / Localized Thunderstorms. Possible flash floods or landslides during severe thunderstorms. Light to Moderate winds coming from Southeast to South will prevail with Slight to Moderate seas / (0.6 to 2.1 meters).



Monday, November 8, 2021

14 ka mga eskwelahan sa Tandag, interesado nga makapahigayon og face-to-face classes

DAKBAYAN SA TANDAG, Surigao del Sur -- Muabot sa 14 ka mga eskwelahan dinhi sa siyudad sa Tandag ang nagpakita og interes alang sa pagpahigayon og limited face-to-face classes.

Sa pakighinabi sa Radyo Pilipinas – Tandag, gibutyag ni Dr. Gemma de Paz, Schools Division Superintendent sa Department of Education (DepEd) - Tandag City Schools Division, nga nagpaabot matud pa og intensiyon ang maong mga eskwelahan aron malakip sa giplanuhan nga limited face-to-face classes nga nakatakdang magsugod karong Nobyembre 15, ning tuiga.

Sumala niini nga interesado ang mga estudyante, mga ginikanan, ingon man ang mga magtutudlo.

Dugang pa sa opisyal, ila matud na kining gi-sumite ngadto sa ilang central office apan wala kini naaprubahan pinasubay sa mga criteria nga maoy gibasehan karon sa DepEd ug sa Department of Health (DOH) alang sa pagpahigayon sa limited face-to-face classes.

Sigon ni Dr. De Paz nga aduna unta’y usa ka eskwelahan dinhi sa siyudad nga giaprubahan sa ilang regional office apan nagkinahanglan pa kini og pagtugot sa DOH. (Raymond Samson Aplaya, RP1-Tandag/PIA-Surigao del Sur)