(PAGASA 24-HOUR PUBLIC WEATHER FORECAST as of Wednesday, 30 November 2022) Intertropical Convergence Zone (ITCZ) affecting Mindanao. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience cloudy skies with scattered rainshowers and thunderstorms due ITCZ/Shearline. Possible flash floods or landslides due to moderate to at times heavy rains. Light to moderate winds coming from East to Northeast will prevail with slight to moderate seas / (0.6 to 2.5 meters).


Wednesday, October 20, 2021

Kapin P42 million nga mga proyekto, gidawat sa Barangay Kioya, Sibagat

DAKBAYAN SA BUTUAN -- Mukabat sa P42,636,126.13 million ang total nga balor sa mga infrastructure projects ang formal nga gi turn-over ning lokal nga panggamhanan sa pagpanguna ni Mayor Maria Liza L. Evangelista, ngadto sa mga residente sa Barangay Kioya sa lungsod sa Sibagat, Agusan del Sur. 

Lakip sa mitambong sila Edna A. Perang, MPDO; Hon. Gines G. Coranes; Hon. Josephine D. Benigian; Hon. Franklin Dumdum ug Liga ng mga Barangay President Francisco Garlit.

Sa maong seremonyas, mapasalamaton nga gidawat sa mga opisyales, volunteers ug mga residente sa Brgy. Kioya pinaagi ni punong barangay Arnold Pilapil ang Evacuation Center ug Line Canal nga aduna'y kinatibuk-ang kantidad nga P5,050,000.00 gikan sa Municipal Development Fund kon MDF.

Samtang ang Road Concreting nga gisugdan niadtong 2015 hangtud sa kasamtangan nga tuig hapit na muabot sa sentro'ng bahin sa Barangay diin mukabat kini ug P37,585,126.13 pinundohan gikan sa Aid to Municipalities ug Bottoms Up Budgeting sa Department of the Interior and Local Government (DILG) ug sa kaugalingong Municipal Development Fund sa nasangpit nga lungsod.

"Tungod sa atong panaghiusa dinhi sa Brgy. Kioya, aduna’y umaabot nga project balor P20 million gikan sa National Task Force to End Local Communist Armed Conflict kon NTF-ELCAC nga iga-implementar pinaagi sa Provincial Government Sa Agusan del Sur,” sigun ni Mayor Evangelista. (MIO-Sibagat/PIA-Agusan del Sur)