(PAGASA 24-HOUR PUBLIC WEATHER FORECAST as of Friday, 19 July 2024) At 3:00 AM today, the Low Pressure Area (LPA) was estimated based on all available data at 135 km West Southwest of Calapan City, Oriental Mindoro (13.1°N, 120.0°E). Meanwhile, another LPA was estimated based on all available data at 880 km East of Eastern Visayas (11.1°N, 133.8°E). 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience cloudy skies with scattered rainshowers and thunderstorms due to Southwest Monsoon. Possible flash floods or landslides due to moderate to at times heavy rains. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to Moderate winds coming from Southwest to Southeast will prevail with slight to moderate seas (0.6 to 2.5 meters).

Wednesday, October 20, 2021

Hog raisers nga apektado sa ASF, nakadawat og cash assistance gikan sa probinsya

DAKBAYAN SA BUTUAN --- Gipadangat ni Provincial Governor Dale B. Corvera mismo ang cash assistance o indemnification sa mga hog raisers nga apektado sa African Swine Fever (ASF) sa lungsod sa Buenavista. 

Naa sa 34 ka apektadong hog raisers ang nakadawat niini sa mga barangay sa Barangay 1, Guinabsan, Talo-ao, Alubihid, Abilan ug Manapa ning kalihukan nga gipahiluna sa probinsya pinaagi sa probinsyal ubos sa buhatan sa Provincial Veterinary Office (PVET).

Nasayran nga mas apektado ang Buenavista sa mga lungsod sa probinsya nga nasudlan sa maong sakit nga nag-apil sa mga lungsod sa Las Nieves ug Carmen. 

Sumala sa gobernador ang pagpanghatag og ayuda pinasikad sa Executive Order No.31 series of 2021 sa probinsya sa Agusan del Norte aron masuportahan ang mga mag uuma ilabina sa mga hog raisers nga nabiktima sa ASF.

Sa maong okasyon, gihangyo sa goberndor ang mga hog raisers nga mo-kooperar gyod sa tanang sumbanan ug mga protocols nga gihimo sa probinsyal nga panggamhanan aron malikayan ang ASF.

“Ug karon nga naa naman gyod ni sa Buenavista ang kagaw, mahimo mohatag ta sa atong kooperasyon nga malikayan gyud ni nato, tanan nga possible nga paglikay atong himoon,” sumala sa Gob. Corvera.

Sugyot ni Provincial Veterinary Dr. Belen M. Aruelo nga sa pagkakaron likayan usa ang pagbuhi sa mga baboy ug maghulat sa advisory gikan sa PVET sa probinsya kung kanus-a pwede na.

Gidasig usab ni Dr. Aruelo nga segurohon sa mga hog raisers nga irehistro ang ilang mga baboy o tanang klase sa hayop aron kung adunay mga katalagman adunay ayuda nga madawat.

“Magkugi sa nga i-insure ninyong mga baboy sa Philippine Crop Insurance Corp Program ubos sa Department of Agriculture (DA). Bisan dili sa baboy. Sa tanang klase nga hayop. Kay in the event nga naay katalagman atong matan-aw nga mahatagan gihapon ta og ayuda,” matud ni Dr. Aruelo.

Sa ilang bahin, mapasalamaton kaayo ang ang mga apektadong hog raisers nga nakadawat of ayuda.

“Bisan gagmay ra ta nga mag uuma, gitagaan gihapon tag kahigayonon nga mahatagan og assistance para ma uli-ulian atong mga bahog sa baboy. Salamat kaayo Gob,” sumala ni Daisy Matelos, usa sa hog raisers sa Brgy. Alubihid.

Mahinumdoman nga una nang nakapadangat og cash assistance ang probinsya sa lungsod sa Carmen miadtong October 14. Himoon usab kini sa lungsod sa Las Nieves pipila ka adlaw gikan karon.

Ang maong kalihukan gitambungan usab nila Provincial Board Member Rudy Pitogo, Barangay 2 Captain Rhean Catabas, PVET personnel ug uban pang barangay officials. (Shena Mae Pabia ug Sonny Montilla, LGU Agusan del Norte/PIA Agusan del Norte)