(PAGASA 24-HOUR PUBLIC WEATHER FORECAST as of Saturday, 13 April 2024) Easterlies affecting the country. 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rain showers or thunderstorms due to Easterlies. Possible flash floods or landslides during severe thunderstorms. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to moderate winds coming from East to Northeast will prevail with slight to moderate seas (0.6 to 2.1 meters).


Tuesday, October 5, 2021

'On-site release' ng mga TUPAD salaries, isasagawa sa lungsod ng Tandag bukas

Ni: Raymond Aplaya 

LUNGSOD NG TANDAG, Surigao del Sur -- Nakatakdang isasagawa bukas, Oktubre 6, ang on-site release ng mga sweldo ng mga benepisyaryo sa programang TUPAD o Tulong Panghanapbuhay sa Ating Disadvantaged/Displaced Workers dito sa lungsod ng Tandag, Surigao del Sur.

File photo
Sa panayam ng Radyo Pilipinas – Tandag, inihayag ni Josel Ann Dua, Labor Employment Officer ng Department of Labor and Employment (DOLE) – Surigao del Sur, na ang nasabing aktibidad ay dadaluhan sana ni Labor Secretary Silvestre Bello III, nguni’t naunsyami ito dahil sa biglaang pagpapatawag sa kaniya ng Malakanyang.

Napag-alaman na batay sa iskedyul ng kalihim, nakatakda ang pagbisita nito dito sa Caraga Region simula ngayong araw, Oktubre 5, hanggang bukas na kung saan isa sana sa kanyang bibisitahin ang lungsod ng Tandag.

Dahil dito, ang kanilang magiging panauhing pandangal na lang sa nasabing aktibidad ay sila DOLE – Caraga Regional Director Joffrey Suyao at Assistant Regional Director Naomilyn Abellana.

Ayon kay Dua, gagawin ang pamamahagi ng mga TUPAD salaries sa pamamagitan ng reference number na siyang gagamitin ng mga benepisyaryo sa kanilang pag - claim sa MLhuillier.

Aabot umano sa 198 na mga benepisyaryo mula sa LGU – Tago ang makakatanggap ng kanilang mga sweldo.

Maliban dito, mamamahagi rin ng livelihood assistance ang kanilang tanggapan para sa LGU-Carrascal at LGU-Carmen nitong lalawigan. (DXJS RP-Tandag/PIA-Surigao del Sur)