(PAGASA 24-HOUR PUBLIC WEATHER FORECAST as of Wednesday, 27 March 2024) Easterlies affecting the eastern section of the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience Partly cloudy to cloudy skies with isolated rainshowers or thunderstorms due to Easterlies / Localized Thunderstorms. Possible flash floods or landslides during severe thunderstorms.


Tuesday, October 5, 2021

Gidaghanon sa mga nagfile og COC sa COMELEC-Tandag, miabot na sa 16

Ni: Raymond Samson Aplaya

LUNGSOD SA TANDAG, Surigao del Sur -- Miabot na karon sa 16 ka mga indibidwal ang nagduso sa ilang Certificate of Candidacy (COC) sa Commission on Elections kon Comelec diri sa dakbayan sa Tandag alang sa 2022 National and Local Elections.

Sumala ni Florephi Botona, City Election Officer III sa maong buhatan, nga ang maong numero naitala sukad sa pagsugod sa COC filing human kini nadugangan og duha kagahapong adlawa, Oktubre 4, 2021.

Sa karon, aduna nay usa ang ni-file alang sa pagka-mayor, usa alang sa pagka-bise mayor, ug 14 alang sa pagka–city councilor nga gilangkuban sa 10 nga adunay political party ug 4 ka mga independente.

Samtang gidugang ni Botona nga gawas sa nagpadayon nga filing sa COC  sa ilang buhatan, gi-akomodar usab nila karon kadtong buot mukuha og voter’s certification.

Sumala pa nga daghan sila og mga kliyente sa pagkakaron tungod sa mga aplikante alang sa pagkuha og voter’s certification. Kasagaran matud pa sa mga nanguha niini kadtong mga out-of-school youth nga gustong mahimong benepisyaryo sa mga livelihood programs sa gobyerno susama na sa TUPAD nga gipa-implementar sa Department of Labor and Employment (DOLE) ug sa mga local government units (LGUs).

Nasayran nga usa ang voter’s certification sa mga makonsidera nga valid ID kung diin rekisitos sa mga benepisyaryo alang sa pag-avail sa maong mga programa.

Gawas niini, aduna usab pipila ka mga indibidwal nga miadto sa ilang buhatan alang sa pagparehistro. Apan ila una kining gibalibaran sa pagkakaron human nga temporaryo pa unang gipahunong ang extension sa voter’s registration period karong semanaha aron matutukan ang mga butang nga adunay kalambigitan sa Filing sa COC. (RP1-Tandag/PIA-Surigao del Sur)