(PAGASA 24-HOUR PUBLIC WEATHER FORECAST as of Tuesday, 06 December 2022) Shear Line affecting Northern Luzon. Easterlies affecting the rest of the country. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due Easterlies/localized thunderstorms. Possible flash floods or landslides during severe thunderstorms. Light to moderate winds coming from East to Northeast will prevail with slight to moderate seas / (0.6 to 2.5 meters).


Tuesday, October 19, 2021

Writeshop ug technical conferences kalabot sa Core Processing Projects ubos sa Agusan Up, gihimo

DAKBAYAN SA BUTUAN -- Gisugdan na ang writeshop ug technical conferences sa mga Core Processing Projects sa matag lungsod ubos sa AGUSAN UP!, ang kampanya sa pagpalambo sa administrasyon ni Gob. Dale B. Corvera kaabag ang buhatan ni Kong. Angel Amante-Matba.

Sa 15 ka core processing projects nga initial nga na-identify, lima ang i-cover ning maong kalihukan nga gihimo sa E&G Convention Center hangtud karong Biyernes.

Ang gitutokan karong adlawa mao ang "Orchard Stopover Project" sa Carmen. 

Nagkonperensya tibuok buntag sila si Municipal Planning ang Development Coordinator Rustom Beronilla, Municipal Agriculturist Joseph de los Santos, Carmen Fruit Processing Manager Merricres Alonzo, Carmen mango growers representative Mila Salas, Department of Trade and Industry Senior Counsellor Mari Criz Obedencio ug mga personahe sa AGUSAN UP! Coordinating Center kalabot sa mahimong padulngan sa proyekto.

Sunod sa tumong sa proyektong Process! Process! Process!, ilang gihisgutan unsaon nga mahimong produktibo pa ang industriya sa mangga ug ubang prutas, makamugna ug libuang trabaho, mopaangat sa kita ug mohaw-as sa mga banay nga nagsandig sa industriya gikan sa kawad-on.

Nauyonan sa maong panaghisgut nga  palapdan pa ang natamnan sa mangga ug ubang prutas, himoong regular ug tas-an pa ang volume sa maproseso sa kasamtangang processing activities sa Carmen ug mugnaon ang korporasyon nga motutok pagpadagan ug pagpalambo sa negosyo niini.

Nakatakda ugma ang konperensya ug writeshop sa "Food Basket" Project sa Kitcharao. Sa Huwebes plastaron ang "Beyond Rice" sa RTR ug Moringa Processing sa Jabonga unya pagka Biyernes, ang "Coffee Net" sa Buenavista.

Mahinumdoman nga giako na sa Philippine Coconut Authority ang pagpanguna pagpahiluna sa "Integrated Coconut Processing Project", usa sa mga core processing projects sa Jabonga.

Naa nay usab kasabot ubos sa Public-Private Partnership ang Magallanes alang sa "Waste-to-Energy Power Plant Project" ug ang Nasipit Agusan del Norte Industrial Estate (NANIE) gipahiluna na karon sa probinsya nga pangunayan sa Philippine Economic Zone Autority (PEZA) ang pagpalambo.

Ang pagplastar sa laing pito ka core processing projects - Chocolate City ug Country Wood sa Nasipit, Sardine Processing sa Buenavista, Feedmill sa Las Nieves, Abaca Processing Center sa Cabadbaran, Mineral Processing sa Tubay ug Banana Processing Center sa Santiago - himoon sa sunod nga hugna sa writeshop ug technical conference sa di pa matapos ang tuig. (Agusan Up, LGU Agusan del Norte/PIA Agusan del Norte)