(PAGASA 24-HOUR PUBLIC WEATHER FORECAST as of Friday, 22 October 2021) At 3:00 AM today, the Low Pressure Area (LPA) was estimated based on all available data at 525 km East of Guiuan, Eastern Samar (11.5°N, 130.5°E) embedded along the Intertropical Convergence Zone (ITCZ) affecting Palawan, Visayas, and Mindanao. Caraga Region will have Cloudy skies with scattered rainshowers and thunderstorms due to ITCZ / Localized Thunderstorms. Possible flash floods or landslides during severe thunderstorms. Light to Moderate winds coming Northeast to Northwest will prevail with Slight to Moderate seas / (0.6 to 2.5 meters).



Monday, October 11, 2021

Elderly sector giila sa DA nga kauban sa kalambuan

SIYUDAD SA BUTUAN -- Gipangunahan ni Agriculture Undersecretary for Special Concerns ug chairperson sa Department of agriculture’s (DA’s) Committee for the Elderly and Differently-Abled Persons, Waldo R. Carpio ang selebrasyon sa Elderly Filipino Week.

Kada tuig ginasaulog ang Elderly Filipino Week nga gitawag usab og “Linggo ng Katandaang Filipino” sa tumong nga mapromotar ang panglawas ug kaayuhan sa katigulangan nga sektor.

Ang tema sa selebrasyon karong tuiga mao ang “Palakasin, Paunlarin, Pahalagahan ang Katandaang Pilipino (AKAP),” sa tinguha nga maila ang mga kontribusyon sa senior citizens sa nation-building ug agricultural development, lakip na usab ang paghatag og kasayoran sa mga isyu nga gilangkoban karon sa maong sektor.

Sa video message nga gipakita sa seremonya, gibatbat ni Agriculture Secretary William Dar nga ang elderly sector nagahatag og importanteng papel sa nasudnong paglambo partikular na sa pagpakunhod sa kapobrehon, seguridad sa pagkaon, ug katilingbanong kaayuhan.

Basi sa talaan sa tuig 2000, adunay 4.6 milyon ka senior citizens, nga nag-edad og 60 anyos tibuok nasud, nga diin nagrepresentar sa sais porsyento sa kinatibuk-ang populasyon. Sulod sa duha ka dekada, mitaas pa kini sa 9.4 milyon ka senior citizens o 8.6 percent sa kinatibuk-ang populasyon sa Pilipinas.

Gibutyag ni Secretary Dar nga ang selebrasyon karong tuiga nanginahanglan og mas daghan nga inisyatibo alang sa kaayuhan sa mga katigulangan.

“Magtinabangay kita sa paghatag og seguridad sa ilang kinabuhi, mahatagan sila og panimalay, ug masiguro nga dunay panginabuhian ang mga katigulangan nga kaya pa mutrabaho,” sigon ni Dar.

Dugang usab ni Sec. Dar nga ang mga elderly Filipinos dili lamang sila usa ka importante nga kauban sa pamilya, kon dili usa usab sila ka maayo nga sumbanan sa excellence, integrity, leadership, ug accountability.

Samtang si Usec. Carpio, iyang gipadayag ang iyang pasalamat ngadto sa edaran nga mga empleyado sa Department of Agriculture tungod sa ilang dedikasyon sa pagpanerbisyo sa nasud taliwala sa hulga sa COVID-19 nga pandemya. (DA-Caraga/PIA-Caraga)