(PAGASA 24-HOUR PUBLIC WEATHER FORECAST as of Wednesday, 30 November 2022) Intertropical Convergence Zone (ITCZ) affecting Mindanao. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience cloudy skies with scattered rainshowers and thunderstorms due ITCZ/Shearline. Possible flash floods or landslides due to moderate to at times heavy rains. Light to moderate winds coming from East to Northeast will prevail with slight to moderate seas / (0.6 to 2.5 meters).


Friday, October 8, 2021

Pagbalhin sa NIA ngadto sa DA suportado sa DOF ug NEDA

SIYUDAD SA BUTUAN -- Gisuportahan sa Department of Finance (DOF) ug National Economic and Development Authority (NEDA) ang lakang nga pagbalhin sa National Irrigation Administration (NIA) sa Office of the President (OP) ngadto sa Department of Agriculture (DA). 

Gibutyag ni Finance Secretary Carlos G. Dominguez nga makatabang ang pagbalhin sa NIA ngadto sa DA tungod kay mas mapatuman sa duha ka ahensiya ang ilang nagkadaiyang mga mandato ug mas mapalig-on ang serbisyo sa mga mag-uuma sa nasud.

Gi-uyonan usab sa NEDA pinaagi ni Socioeconomic Planning Secretary Karl Kendrick Chua nga ang pagbalhin sa NIA ngadto sa DA mahiusa ang ilang serbisyo nga mao ang pag-ugmad sa sektor sa agrikultura.

Sigon usab ni Chua nga ang NIA gimugna base sa Republic Act No. 3601 (1963), arun mapalapdan ang paghatag og irigasyon sa mga kaumahan alang sa paglambo sa produksyon sa mga tanom, mapataas ang abot sa mga mag-uuma, ug masiguro ang suplay sa mga produkto sa kaumahan. 

Gisaysay usab ni Agriculture Secretary William Dar nga ang pagbutang sa NIA ilawom sa DA dili lamang ang komunidad sa pag-uma ang makabenepisyo niini kon dili lakip na usab ang kinatibuk-an sa sektor sa agrikultura, diin makatampo sa mas episyente nga pagtuman sa mandato niini. (DA-Caraga/PIA-Caraga)