(PAGASA 24-HOUR PUBLIC WEATHER FORECAST as of Wednesday, 24 July 2024) At 3:00 AM today, the Low Pressure Area (LPA) was estimated based on all available data at 135 km West Southwest of Calapan City, Oriental Mindoro (13.1°N, 120.0°E). Meanwhile, another LPA was estimated based on all available data at 880 km East of Eastern Visayas (11.1°N, 133.8°E). 𝗙𝗒π—₯π—˜π—–π—”π—¦π—§ π—ͺπ—˜π—”π—§π—›π—˜π—₯ π—–π—’π—‘π——π—œπ—§π—œπ—’π—‘: Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience cloudy skies with scattered rainshowers and thunderstorms due to Southwest Monsoon. Possible flash floods or landslides due to moderate to at times heavy rains. 𝗙𝗒π—₯π—˜π—–π—”π—¦π—§ π—ͺπ—œπ—‘π—— 𝗔𝗑𝗗 π—–π—’π—”π—¦π—§π—”π—Ÿ π—ͺπ—”π—§π—˜π—₯ π—–π—’π—‘π——π—œπ—§π—œπ—’π—‘: Light to Moderate winds coming from Southwest to Southeast will prevail with slight to moderate seas (0.6 to 2.5 meters).

Wednesday, July 21, 2021

50 ka proyektong imprastraktura sa probinsya sa Agusan del Norte, aprubado na

DAKBAYAN SA BUTUAN -- Suportado karon sa Sangguniang Panlalawigan sa Agusan del Norte ang Sanggunian Resolution No. 300-2021 nga nag unod  sa paghatag og otoridad kay Gobernador Dale B. Corvera sa pagpirma sa Contract Agreement tali sa probinsya ug sa mga mamahimong kontraktors nga modaog sa biddings nga maoy mangamot sa pag implementar sa Singkwenta (50) ka mga prayoridad nga programa ug proyekto nga i-establisar sa matag barangay  nga sakop sa nagkalain-laing munisipyo ning probinsya sa Agusan del Norte.

Ang mga nag-unang programa ug proyekto nga adunay kinatibukang kantidad nga P660,000,000.00 mao ang pagpaayo sa kadalanan o pagpalambo sa Farm-to-Market Road sa mga partikular nga barangay sa piling munisipyo, pag instalar og street lights ug portable water system level II ug konstruksyon sa Barangay Health Station.

Ang pipila sa mga prayoridad nga mga barangay nga pagatagaan sa budget mao ang Brgy. Lower Olave, Giunabsan, Sangay, Simbalan ug Macalang nga sakop sa lungsod sa Buenavista. Sa lungsod sa Carmen mao ang Brgy. Cahayagan,Manoligao, Poblacion, Rojales ug Brgy. Tagcatong. Sa lungsod sa Jabonga  mao ang Brgy. Baleguian, A. Beltran, Libas, Maraiging ug Brgy. Cuyago. Sa lungsod sa Kitcharao usab mao ang Brgy. Bangayan, Hinimbangan, San Isidro, Jalionong ug Canaway. Sa lungsod sa Las Nieves mao ang Brgy. Ibuan, Durian, Kasiklan, Lingayao ug Maningalao. Brgy. Camagong, Aclan ug Jaguimitan nga sakop sa lungsod sa Nasipit. Brgy. San Isidro sa lungsod sa Santiago. Barangay Tagmamarkay ug DoΓ±a Telesfora sa lungsod sa Tubay ug barangay Tagbungabong ug barangay San Antonio sa lungsod sa RTR.

Ang nasangpit nga mga proyektong imprastraktura pagapundohan ubos sa Local Government Support Fund-Support to the Barangay Development Program kun LGSF- SBDP diin ang maong mga imprastraktura adunay budget nga P20,000,000.00 milyon ka pesos matag barangay.

Kini tubag sa mga panginahanglanon sa mga Agusanon nga makabaton kahapsay ug sayon nga agianan ngadto sa mga silingan nga sitio o barangay.

Ang paghatag otoridad kang Governor Corvera sa pagpirma sa maong Contract Agreement giduso  aron mapatuman sa kagamhanang opisyal ang paghatag og igong serbisyo ug programa sa kalamboan sa imprastruktura sa probinsya.

Ang maong resolution giaprobahan sa Sangguniang Panlalawigan sa rekomindasyon sa Committee on Public Works sa pagpanguna ni Provincial Board Member Dick Victor B. Carmona. (SV Deligero, LGU Agusan del Norte/PIA Agusan del Norte)