(PAGASA 24-HOUR PUBLIC WEATHER FORECAST as of Wednesday, 07 December 2022) Shear Line affecting Northern Luzon. Butuan City, Agusan del Norte, Agusan del Sur, Dinagat Islands, Surigao del Norte and Surigao del Sur will experience partly cloudy to cloudy skies with isolated rainshowers or thunderstorms due localized thunderstorms. Possible flash floods or landslides during severe thunderstorms. Light to moderate winds coming from Northeast will prevail with slight to moderate seas / (0.6 to 2.5 meters).


Wednesday, July 21, 2021

ASTMMC nakatala og fatality tungod sa COVID-19

DAKBAYAN SA TANDAG, Surigao del Sur -- Misaka na karon ngadto sa 521 ang kinatibuk-ang gidaghanon sa mga kumpirmadong kaso sa coronavirus disease 2019 (COVID-19 ang naitala sa Adela Serra Ty Memorial Medical Center kon ASTMMC.

Subay kini sa COVID–19 Situational Report No. 455 nga gipagawas sa nasangpit nga balay tambalanan niadtong Hulyo 18, 2021.

Nasayran sa maong report nga muabot na usab sa 419 ang gidaghanon sa mga nakarekober nga mga pasyente niini samtang 79 ang miresulta sa pagkamatay.

Dugang pa sa maong report, nasayran nga nagpabilin gihapon sa upat (4) ka mga pasyente ang naka–admit karon sa ilang COVID–19 Critical Care Unit (CCU) human kini nadugangan og isa ka bag-ong admission.

Mitala usab kini og tulo ka discharged nga mga pasyente ug isa ang namatay.

Sa karon, nagpabilin gihapon sa 36% ang Bed Occupancy Rate sa COVID–CCU sa ASTMMC.

Samtang misaka karon ngadto sa 20 ka mga pasyente ang naka–admit sa ilang COVID–19 ward human kini nadugangan og lima ka mga bag-ong admission. Usa usab ka pasyente ang na-discharged gikan niini.

Tungod sa maong sitwasyon, misaka ngadto sa 67% ang Bed Occupancy Rate karon sa COVID-Ward sa nasangpit nga ospital. (Raymond Samson Aplaya - RP1-Tandag)