RTR mohatag og mga benepisyo alang sa BCDW
DAKBAYAN SA BUTUAN -- Gideklarang balido sa Sangguniang Panlalawigan sa Agusan del Norte bag-ohay pa lamang ang Municipal Ordinance No. 349-A-2021 sa Sangguniang Bayan sa Remedos T. Romualdez, “Granting benefits and incentives to Barangay Child Development Workers and for Other Purposes, in the Municipality of Remedios T. Romualdez, Agusan del Norte.”
Ang mga insentibo ug benepisyo nga makadawat sa mga rehistradong BCDW mao ang mosunod: PHILHEALTH Insurance Coverage, Free Legal Assistance, Additional Cash Incentives, Loyalty Incentive, Assistance to Indigents in Crisis Situation, Use of Government Facilities ug BCDWs’ Convention.
Ang maong ordinansa, nga gipanginahanan ni Sangguniang Bayan Member Juvy P. Soliva, nahiuyon sa RA 6972 nga gitawag nga “Barangay Level Total Development and Protection of Children Act”;, ug nahisubay usab sa Municipal Ordinance No. 349-A-2021, “An Ordinance Granting Benefits and Incentives to Barangay Child Development Workers and for other purposes, in the Municipality of Remedios T. Romualdez, Agusan del Norte.”
Tumong sa maong ordinansa nga masiguro ang pagpadayon sa mga benepisyo ug insentibo nga gipahimuslan sa mga Barangay Child Development Workers sulod na sa usa ka tuig ug mahatagan dugang nga mga benepisyo ug insentibo aron maaghat sila sa pagpadayon ug, kung kinahanglan, mapaayo pa ang ilang nahimo ug mga serbisyo.
Kini gi-aprobahan sa Sangguniang Panlalawigan sa ika 96th Regular Session pinaagi sa Sanggunian Resolution No. 293-2021 sa pagpanginahan ni Provincial Board Member Elizabeth Marie R. Calo, tsirman sa Committee on Social Welfare and Population Development. (Jessica O. Mellejor, LGU Agusan del Norte/PIA Agusan del Norte)
