AgNor nanguna sa paglusad sa kampanya pag-atiman sa bata
DAKBAYAN
SA BUTUAN -- Nanguna si Gobernador Dale B. Corvera paglusad dinhi sa probinsya
sa Agusan del Norte sa 47th Nutrition Month nga gipadagan sa National
Nutritional Council ubos sa pananawagan niining tuiga nga “Malnutrisyon Patuloy
na Labanan, First 1,000 Days Tutukan!”.
Gibuksan
ang maong aktibidad sa usa ka Nutrition Exhibit sa SM Butuan, gipasabot ni Gob.
Corvera nga ang maong kampanya naghatag og opurtunidad nga ipasabot ang
kamahinungdanon sa sa saktong nutrisyon. “Nutrition is a very important nga
buluhaton sa atong nasud aron mahimong usa ka lig-on ug healthy nga nasud,”
matod ni Gob. Corvera.
“Good
nutrition is actually a good foundation for a good society,” dugang sa
gobernador.
Niini,
buot ni Gob. Corvera matutokan ang maong kampanya pinaagi sa hugot nga
pagtambayayong sa nagkalain-laing ahensya sa probinsya ingon man sa rehiyon.
Ang
kampanya sa “First 1000 days of Life,” sumala ni Retsebeth M. Laquihon, ang
Regional Nutrition Program Coordinator, nagtutuk sa and growth development sa bata
aron makabaton og hustong nutrisyon ug aron mapugngan ang nagkataas nga
malnutrisyon sa nasud.
“This is
one way to promote and increase awareness among the general public on the
importance of nutrition in the First 1000 Days … the First 1000 Days starts
from the infancy are the most critical period in growth and development and
they are vulnerable during this time sa pandemic,” pasabot ni Laquihon.
Gipanghingusgan
ubos sa maong kampanya nga labanan ang malnutrisyon pinaagi sa pag sunod sa
“ABKD” nga nangahulogan: A-lagaan ang mga buntis; B-reastfeeding kay baby;
K-omplementary feeding na sapat, ug; D-apat lahat suportado ang Philippine Plan
of Action for Nutrition [PPAN].
Magkaabag ang Probinsya sa Agusan del Norte pinaagi sa Provincial Social Welfare and Development Office (PSWDO), Enhanced Partnership Against Hunger and Poverty (EPAHP)-DSWD ug ang SM City Butuan sa pagpahiluna sa maong exhibit. (Shena Mae Pabia ug Sonny Montilla, LGU Agusan del Norte/PIA Agusan del Norte)
