(PAGASA 24-HOUR PUBLIC WEATHER FORECAST as of Thursday, 27 January 2022) At 3:00 AM today, the Low Pressure Area (LPA) was estimated based on all available data at 190 km South Southwest of Puerto Princesa City,Palawan (8.1°N, 118.3°E). Shear Line affecting the eastern section of Northern Luzon. The entire Caraga region will experience partly cloudy to cloudy skies with isolated rainshowers and thunderstorms due to Easterlies/Localized Thunderstorms. Possible flash floods or landslides during severe thunderstorms. Light to Moderate winds coming from East to Southeast will prevail with Slight to Moderate seas / (0.6 to 2.5 meters).



Thursday, July 15, 2021

Bed occupancy rate sa ASTMMC COVID-CCU, mas mikunhod pa

DAKBAYAN SA TANDAG, Surigao del Sur - Misaka na karon sa 501 ang kinatibuk-ang gidaghanon sa mga kumpirmadong kaso sa coronavirus disease 2019 kun COVID-19, ang naitala sa Adela Serra Ty Memorial Medical Center (ASTMMC).

Subay kini sa COVID -19 Situational Report No. 451 nga gipagawas sa nasangpit nga balay tambalanan kagahapong adlawa, Hulyo 14, 2021.

Nasayran sa maong report nga muabot na usab sa 411 ang gidaghanon sa mga nakarekober nga mga pasyente niini samtang 77 ang miresulta sa pagkamatay.

Dugang pa sa maong report, nasayran nga anaa nalang sa 4 ka mga pasyente ang naka – admit karon sa ilang COVID – 19 Critical Care Unit (CCU) human kini nadugangan og isa ka bag-ong admission. Tungod niini, mas mikunhod pa sa 36% ang Bed Occupancy Rate karon sa ilang COVID – CCU.

Samtang adunay 11 ka mga pasyente usab ang naka-admit sa ilang COVID-19 Ward human kini nadugangan og tulo ka mga bag-ong admission. Tulo ka mga pasyente usab ang na-discharged gikan niini.

Tungod sa maong sitwasyon, anaa nalang usab sa 37% ang Bed Occupancy Rate karon sa COVID-Ward sa ASTMMC. (Raymond Samson Aplaya - RP1 Tandag/PIA-Surigao del Sur)